बेल्जियममा नेपाली खाना महोत्सव
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
लन्डन — बेल्जियममा नेपाली खाना महोत्सव आयोजना भएको छ । नेपाली व्यवसायी संघ बेल्जियमले नेपाली राजदूतावास ब्रसेल्सको संयोजकत्व र सहकार्यमा सप्ताहन्त महोत्सव गरेको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![बेल्जियममा नेपाली खाना महोत्सव](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/food-fectival-1-2952024035159-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
खाना महोत्सवमा १५ देशका राजदूत, युरोपियन युनियन प्रमुख, पार्लियामेन्ट बेल्जियमका सदस्य, लुभेनका मेयरसहित अन्य विभिन्न देशबाट आएका गरि करिब २२ हजार नेपाली र बेल्जियमवासी नागरिक सहभागी भएको आयोजकले जनाएका छन् ।
कार्यक्रममा १४ वटा नेपाली खानाका स्टल, दुईवटा हस्तकला, १०० वटा बालबालिका नृत्य, ५० वटा सांस्कृतिक नाच साथै विभिन्न भेषभूषासहितको नृत्य प्रस्तुत गरिएको थियो ।
नेपाली पर्यटन प्रवर्धन गर्न आयोजकले भाग्यचिट्ठाद्वारा एकजनालाई आवतजावत हवाई टिकट र अर्को एकजनालाई काठमाडौंमा तीन रातको होटल बसाई निःशुल्क प्रदान गरेका छन्। विदेशमा रहेर पनि नेपाली कला संस्कृति, खाना एवं पर्यटन प्रवर्धन गरी नेपाल राष्ट्रको सम्वृद्धि र विकास गर्ने उद्देश्यले महोत्सव गरिएको संयोजक काशी दनैले बताए ।
लुभेनमा दोस्रो पटक भएको नेपाली खाना महोत्सव निकै व्यवस्थित भन्दै स्थानीय मेयरले निकै प्रशंसा गरेका थिए । कार्यक्रम व्यवस्थित बनाउन स्वयंसेवकहरु र सुरक्षालाई मध्यनजर राख्दै रेडक्रस टिम खटाइएको थियो । नेपाली व्यवसायी संघ बेल्जियमले कार्यक्रम सफल भएको भन्दै सबैमा आभार व्यक्त गरेको छ ।
प्रकाशित : जेष्ठ १६, २०८१ ०७:३७