आ.व. २०८१/८२ को लागि विनियोजन विधेयकका सिद्धान्त र प्राथमिकताको छलफल फागुन २१ गतेदेखि

लगत्तै सभामुख देवराज घिमिरेले फागुन २१ गतेदेखि आर्थिक वर्ष २०८१/८२ को लागि विनियोजन विधेयकका सिद्धान्त र प्राथमिकताका सम्बन्धमा छलफल हुने गरी दिन तोकिएको जानकारी दिए। छलफल फागुन २१, २२, २३, ३० गते, चैत्र १, २ र ४ गते हुने सभामुख घिमिरेले बताए ।

सभामुख घिमिरेले छलफलमा दलीय प्रतिनिधित्वको आधारमा भाग लिन सम्बन्धित दलका पदाधिकारीले आफ्ना सांसदहरूको नाम बैठक बस्नु भन्दा एक घण्टा अगाडि नै टिपाउन अनुरोधसमेत गरे । उनले छलफलका क्रममा सांसदहरूले उठाएका विषयवस्तुको टिपोटका लागि अर्थ मन्त्रालय र संघीय संसद सचिवालयलाई निर्देशन दिए ।