केही सम्झनाहरू
रेल चढेर
बिहानै बिदा भए ।
कोठामा सुतिरहेको
सपना ब्युँझियो,
र, गल्ली छिचोल्दै बिलायो ।
थिए मेरा पनि केही सपना
यतिखेर सहपथिक बन्न पुगेका छन्
बटुवाहरूका ।
यौटा मन हुने गर्थ्यो
जो अस्थिसँगै
नदीमा मिसिएर बग्दैबग्दै गयो ।
जिन्दगी,
जो दुई दिनको पाहुना थियो
चिहानमै फर्केर गइसक्यो ।
सबका शव गइसके ।
सोच्दछु,
जाउँ म पनि कुनै स्त्रीको गर्भमा,
फर्केर जाऊँ ।
(विप्लव प्रतीकले अनुवाद गरेको यस कविता कुमार नगरकोटीले हिन्दीमा लेखेका हुन् ।)
प्रकाशित : कार्तिक १, २०७७ ०८:२३प्रतिक्रिया