सरकारको प्राथमिकतामा छैन मुलुककै पुरानो होमियोप्याथिक चिकित्सालय

अस्पतालमा उपचार सेवा तथा औषधि निःशुल्क पाइन्छ । प्राकृतिक सिद्धान्तमा आधारित चिकित्सा प्रणाली भएकाले पनि जनमानसमा होमियोप्याथीको आकर्षण बढ्दो छ । ओपीडीमा दैनिक २०० देखि ३०० जनासम्म बिरामी आउने गरेको अस्पतालका प्रमुख डा. प्रेमनारायण श्रीवास्तव बताउँछन् ।स्थापनाको ७ दशक पुग्दा पनि अस्पतालको सेवा विस्तारमा कुनै काम भएको देखिँदैन ।६ शय्याको अस्पताल भनिए पनि जनशक्ति अभावले बेड सञ्चालनमा छैनन् । त्यसैगरी प्याथोलोजी सेवा, फिजियोथेरापी सेवालगायतका सुविधा पनि अस्पतालमा नभएकाले प्रयोगशालाका परीक्षणका लागि बिरामीलाई अन्यत्र पठाउनुपर्ने बाध्यता रहेको छ ।

कर्मचारी दरबन्दी, अस्पतालको सेवामा विस्तार गर्नका लागि पहल गरिरहेको अस्पतालका प्रमुख डा. श्रीवास्तवको भनाइ छ । उनले अस्पतालका शाखा सातै प्रदेशमा खोल्नका लागि सरकारले पहल गर्नुपर्ने बताए ।