सोचेभन्दा राम्रो मत आयो, पाँच वर्षको काम अनुमोदन भयो : दाहाल

भरतपुर महानगरपालिकाको अन्तिम मतपरिणाम सार्वजनिक भएपछि प्रतिक्रिया दिँदै दाहालले भनिन्, 'जनताप्रति उत्तरदायी भएर काम गरेका थियौं । ३ देखि ७ हजारसम्मको मतान्तरले जितिन्छ होला भन्ने लागेको थियो ।'

दाहालले पहिलो पाँच वर्षमा गरेका कामको जनताले अनुमोदन गरेको पनि बताइन् । स्थानीय चुनावको केन्द्रमा र प्रतिपक्षको निशानामा हुँदा पनि जनताले काम हेरेको उनको भनाइ थियो । 'देशभरीको ध्यान भरतपुरमा थियो । सत्तापक्ष, विपक्ष सबैको ध्यान भरतपुरमा थियो । विपक्षीहरूको निशाना पनि थियो । जसरी पनि गठबन्धनको उम्मेदवारलाई हराउ भन्ने थियो,' उनले भनिन्, 'जनताले विगत पाँच वर्षको कामको अनुमोदन गरिदिनुभएको छ ।'