मतदाता परिचयपत्र वितरण गर्न सुरु

मतदान स्थलमा ४० देखि ४५ को हाराहारीमा निर्वाचन आयोगका कर्मचारी , नेपाल प्रहरीसँगै म्यादी प्रहरी र नेपाल स्काउटका स्वयंसेवकहरु खटिएका छन् । निर्वाचनको समयमा वृद्ध र अशक्त व्यक्तिहरुका लागि चाँडै मतदान गर्ने व्यवस्था मिलाइएको छ । निर्वाचन आयोगले मतदाता परिचयपत्र लिन आउँदा मतदातालाई आफ्नो परिचय खुल्ने कागजपत्र अनिवार्य ल्याउन भनेको छ । मतदाताको विवरण निर्वाचन आयोगको वेबसाइटमा पनि हेर्न सकिने व्यवस्था निर्वाचन आयोगले गरेको छ । तर, मतदान स्थलमा खटिएका कर्मचारीहरू पुरानै शैलीमा अक्षर बाट मतदाताको नाम खोज्ने प्रक्रिया अलि झनझनटिलो भएको बताउँछन् । यसले समय लिने उनीहरुले बताए । निर्वाचनमा खर्च हुने थोरै बजेट डिजिटल प्रविधीको प्रयोगका लागि पनि खर्च गर्न सके सेवाग्राही र कर्मचारी दुवैलाई सहज हुने बुझाई नागरिक र कर्मचारीहरुको रहेको छ ।