हावाहुरीले विद्यालय भवनको छानो उडाउँदा पठनपाठनमा समस्या 

विद्यालयका प्रधानाध्यापक धीरबहादुर चन्दका अनुसार विद्यालयको ५ कोठे भवनमध्ये दुई कोठाको छानो हावाहुरीले उडाउँदा पूर्ण रुपमा क्षति भएको छ । उक्त भवनको तीन कोठाको छानो पनि आंशिक रुपमा उडाएर क्षति पुगेको छ । हावाहुरीले विद्यालय भवनको छानो उडाएपछि पठनपाठनमा समस्या भएको उनले बताए ।

विद्यालयमा दुई कोठे कार्यालय भवन र ५ कोठे भवन मात्रै छ । 'भवनको छत मर्मत नहुञ्जेल पठनपाठनमा समस्या हुने देखिन्छ,' प्रधानाध्यापक चन्दले भने । ५ कक्षासम्म पढाइ हुने उक्त विद्यालयमा ५२ जना विद्यार्थी अध्ययनरत छन् ।