टीभेटको विस्तारमा सरकारी प्राथमिकता बढाउनुपर्ने
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
पोखरा — प्राविधिक तथा व्यावसायिक शिक्षा र तालिम (टीभेट)का क्षेत्रको व्यापक सुधार गर्नुपर्ने अध्ययनले देखाएको छ । काठमाडौं विश्वविद्यालय स्कुल अफ एजुकेसनले गरेको अध्ययनले उक्त तथ्य देखाएको हो ।
![](https://assets-cdn.ekantipur.com/uploads/source/ads/900x100-1172024092759.gif)
![टीभेटको विस्तारमा सरकारी प्राथमिकता बढाउनुपर्ने](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/ku-2042024025008-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
विश्वविद्यालयले गरेको अनुसन्धानमा प्राविधिक शिक्षालय र निर्माण क्षेत्रका रोजगारदाताबीच समन्वयको अभाव, सिपयुक्त तालिम र प्राविधिक शिक्षामा युवाको पहुँच तथा रोजगारीसँगको कमजोर सम्बन्ध र स्थानीय तहले औपचारिक टीभेट क्षेत्रलाई प्राथमिकतामा राख्न नसकेको पाइएको छ ।
पोखरामा शनिबार एक कार्यक्रमकाबीच उक्त अनुसन्धान प्रस्तुत गरिएको हो । कार्यक्रममा काठमाडौं विश्वविद्यालयका प्राध्यापक महेशनाथ पराजुलीले टीभेट शब्दको मर्म अनुसार सरकारबाट काम हुन नसकेको बताए । सामाजिक, आर्थिक रुपान्तरणको प्रमुख माध्यम टीभेट भए पनि यो क्षेत्रमा सरकारको प्राथमिकता कम परेको उनको भनाइ छ ।
कार्यक्रममा गण्डकी प्रदेश लोक सेवा आयोगकी सदस्य कल्पना लम्सालले भने मध्यम वर्गका सिप युक्त जनशक्ति उत्पादनमा गण्डकी प्रदेशले ध्यान दिएको बताइन् । यसका लागि गण्डकी प्राविधिक शिक्षा तथा व्यावसायिक तालिम प्रतिष्ठानले अनुगनम र मूल्यांकनलाई प्राथमिकतामा राखेको उनको भनाइ छ ।
कार्यक्रममा गण्डकी विश्वविद्यालयका उपकुलपति प्राध्यापक नवराज देवकोटाले व्यवस्थापन शिक्षाको अभावमा टीभेट क्षेत्र कमजोर रहेको विचार राखे । श्रम बजारको माग अनुरुपको तालिम हुन नसकेकै कारण टीभेट क्षेत्र कमजोर रहेको उनको तर्क थियो । काठमाडौं विश्वविद्यालय अन्तर्गतको लेलम (लिंकिङ एजुकेसन विथ लेवर मार्केट) परियोजनाबाट गरिएका अनुसन्धानहरुको छलफलमा केन्द्रित थियो ।
![](https://assets-cdn.ekantipur.com/uploads/source/ads/900-x-100-0172024023126.gif)