गोरखामा मोटरसाइकल दुर्घटना : एक जनाको मृत्यु

शनिबार राति बाह्रकिलो–बारपाक सडकखण्डअन्तर्गत भालुस्वाँरामा बा ९१ प ४५८ नम्बरको मोटरसाइकल अनियन्त्रित भई दुर्घटना हुँदा मोटरसाइकलमा सवार थापा घाइते भएका थिए । घाइते थापाको उपचारका क्रममा गोरखा अस्पतलामा मृत्यु भएको प्रहरीले जनाएको छ ।

घटनापश्चात मोटरसाइकल चालक गोरखा नगरपालिका–३ का राजेश परियार भने फरार रहेको र खोजी कार्य भइरहेको जिल्ला प्रहरी कार्यालय गोरखाका प्रहरी निरीक्षक शेखर खड्काले बताए ।

मोटरसाइकल प्रहरी चौकी नयाँसाँघुको नियन्त्रणमा रहेको पनि उनले बताए । घटनाको अनुसन्धान भइरहेको प्रहरीले जनाएको छ ।