मन्त्रीहरूलाई अध्यक्षले सामूहिक रूपमा बालकोट बोलाउनुभएको छैन : मन्त्री गिरी
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — एमालेका अध्यक्ष केपी शर्मा ओलीले सरकारमा सहभागी मन्त्रीहरूलाई सामूहिक रुपमा आफ्नो निवास बालकोट नबोलाएको कानुन, न्याय तथा संसदीय मामिलामन्त्री पदम गिरीले बताएका छन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![मन्त्रीहरूलाई अध्यक्षले सामूहिक रूपमा बालकोट बोलाउनुभएको छैन : मन्त्री गिरी](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/padam-giri-0662024115656-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
मन्त्रिपरिषद्को बैठक सकिएपछि मन्त्री गिरीले अध्यक्ष ओलीले एमालेबाट सरकारमा सहभागी भएका नेताहरूलाई बालकोट नबोलाएको बताएका हुन् । 'अध्यक्षज्यूले हाम्रो पार्टीबाट मन्त्री हुनुभएकाहरूलाई आफ्नो निवास बालकोटमा सामूहिक रूपमा बोलाउनुभएको छैन,' उनले भने ।
यसैबीच, अध्यक्ष केपी शर्मा ओलीको सचिवालयले पनि सरकारमा सहभागी मन्त्रीहरूलाई बालकोट नबोलाएको जनाएको छ । सामाजिक सञ्जालमा अध्यक्ष ओलीको सचिवालयले लेखेको छ, 'अध्यक्ष केपी शर्मा ओलीले सरकारमा सहभागी मन्त्रीहरूलाई अहिले साँझ छलफलमा बोलाएको भन्ने विभिन्न सञ्चार माध्यममा खबर आइरहेको छ । तर मन्त्रीहरूलाई अध्यक्ष ओलीले अहिले छलफलका लागि बोलाउनु भएको खबर सत्य नभएको जानकारी गराइन्छ ।'
एमाले र कांग्रेस मिलेर सरकार गठन गर्ने भन्ने चर्चाका बीच अध्यक्ष ओलीले मन्त्रीहरूलाई बालकोट बोलाएको सूचना सार्वजनिक भएका थिए ।
![](https://assets-cdn.ekantipur.com/uploads/source/ads/900-x-100-0172024023126.gif)