मानिसलाई आक्रमण गर्ने गोहीलाई नियन्त्रणमा लिइयो
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
नवलपरासी पूर्व — मध्यविन्दु नगरपालिकाको एक रहमा नुहाउन गएका वृद्धलाई आक्रमण गरेको गोहीलाई चितवन राष्ट्रिय निकुञ्जका अधिकारीहरूले नियन्त्रणमा लिएका छन् । सोमबार बिहान गोहीले आक्रमण गर्दा मध्यविन्दु नगरपालिका-२ का ७२ वर्षका मीनबहादुर थारूको मृत्यु भएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![मानिसलाई आक्रमण गर्ने गोहीलाई नियन्त्रणमा लिइयो](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/gohi-123-2462024112635-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
जिल्ला प्रहरी कार्यालय नवलपरासी पूर्वका डीएसपी बेदबहादुर पौडेलका अनुसार मान्छेलाई आक्रमण गरेको गोहीलाई चितवन निकुञ्जका अधिकारीहरूले नियन्त्रणमा लिएर चितवन राष्ट्रिय निकुञ्ज लगेका छन् । कसरास्थित गोही प्रजनन केन्द्रको नजिकै कुनै पोखरी, ताल वा रहमा छाडिने निकुञ्जका अधिकारीहरूले जनाएका छन् । निकुञ्जका सूचना अधिकारी गणेश तिवारीका अनुसार निकुञ्जभित्रको तालतलैयामा छोडिने छ ।
मध्यविन्दु नगरपालिका वडा नम्बर-२ सेहरी गाउँस्थित नारायणी नदी किनारको रहमा आज बिहान नुहाउन गएका थारूलाई गोहीले तानेको हो ।
प्रहरीले मृतक थारूको शव नारायणीबाट निकालेर पोस्टमार्टमका लागि जिल्ला अस्पतालमा पठाएको छ । नारायणी नदी र आसपासमा बाक्लै संख्यामा गोही देखिने गरेको स्थानीय बासिन्दा बताउँछन् ।