कांग्रेस संसदीय दलको नेता चयन गर्न कांग्रेस निर्वाचन समिति गठन
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — नेपाली कांग्रेस संसदीय दलको नेता चयन गर्न निर्वाचन समिति गठन गरिएको छ । पार्टी केन्द्रीय कार्यालय सानेपामा आइतबार बसेको केन्द्रीय कार्यसम्पादन समिति बैठकले सहमहामन्त्री भीष्मराज आङ्देम्बेको संयोजकत्वमा तीन सदस्यीय समिति गठन गर्ने निर्णय गरेको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![कांग्रेस संसदीय दलको नेता चयन गर्न कांग्रेस निर्वाचन समिति गठन](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/congress-18122022113732-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
'बैठकले संसदीय दलको नेता चयन प्रक्रिया अगाडि बढाउन केन्द्रीय सहमहामन्त्री भीष्मराज आङ्देम्बेको संयोजकत्वमा तीन सदस्यीय निर्वाचन समिति गठन गरेको छ । समिति सदस्यमा केन्द्रीय सदस्यहरु पुष्पा भुसाल र प्रकाश रसाइली रहनुभएको छ,' प्रवक्ता प्रकाशशरण महतले भने ।
त्यस्तै सातै प्रदेशमा दलको नेता र समितिको निर्वाचन प्रक्रिया अगाडि बढाउन निर्देशन दिने निर्णय गरेको छ । सातै प्रदेशमा नेपाली कांग्रेसको नेतृत्वमा सरकार बनाउने या समर्थन गर्ने या के के विकल्प त्यहाँ उपलब्ध छन् । ती विषयलाई मध्यनजर राखेर सरकार बनाउने प्रक्रिया अघि बढाउन सबै दलहरुसँग समन्वय गर्ने र निर्देशन दिने निर्णय गरेको उनले बताए ।
कांग्रेसले आफ्नो नेतृत्वमा सरकार बनाउन संवाद थाल्ने निर्णय पनि गरेको छ । संविधानको व्यवस्थाबमोजिम ठूलो दलले सरकारको नेतृत्वमा दाबी गर्नु स्वाभाविक भएकोले गठबन्धन र अन्य दलहरुसँग कांग्रेस नेतृत्वमा सरकार बनाउन संवाद प्रारम्भ गर्ने निर्णय भएको प्रवक्ता महतले बताए ।