रथीमा खड्कालाई दर्ज्यानी चिह्न

मन्त्रिपरिषद्को कात्तिक १६ को निर्णयले उपरथी खड्कालाई रथीमा बढुवा गर्ने निर्णय गरेको थियो । रथी भएसँगै खड्कालाई बलाध्यक्षमा नियुक्त गरिएको छ । योसँगै उनी नेपाली सेनाका तेस्रो शक्तिशाली सैनिक अधिकृत भएका छन् । बलाधिकृत रथी (सेनाका दोस्रो पदका) बालकृष्ण कार्कीले नियमित अवकाश पाएपछि एक रथी पद खाली थियो ।

सेनामा प्रधानसेनापतिपछि दुई रथी हुन्छन् । कार्कीको बलाधिकृत रथीमा सरोजप्रताव राणाको बढुवा भएको छ भने राणाको स्थानमा खड्का नियुक्त भएका हुन् ।

सैनिक मुख्यालयमा शुक्रबार आयोजित कार्यक्रममै उपरथीमा बढुवा भएका विजय थापा र आशबहादुर तामाङलाई पनि प्रधानसेनापति शर्माले दर्ज्यानी चिह्न प्रदान गरेका हुन् । थापालाई सुदूरपश्चिम पृतना हेडक्वाटरको पृतनापति र उपरथी तामाङलाई नेपाली सैनिक वार कलेजका शिक्षाध्यक्षमा नियुक्ति गरिएको छ ।