प्रधानमन्त्री देउवाद्वारा सोलमा मृत्यु भएकाहरूप्रति दुःख व्यक्त
काठमाडौँ — प्रधानमन्त्री शेरबहादुर देउवाले दक्षिण कोरियाको राजधानी सोलमा हलोविनको अवसरमा जम्मा भएका मानिसहरूबीच भागदौड मच्चिँदा सयौंको मृत्यु भएको घटनाप्रति दुःख व्यक्त गरेका छन् । आइतबार ट्विटरमार्फत प्रधानमन्त्री देउवाले हलोविनको अवसरमा सोलमा गरिएको एक कार्यक्रममा ज्यान गुमाउनेप्रति दुःख व्यक्त गर्दै मृतकका परिवार‚ त्यहाँको सरकार र कोरियाली नागरिकप्रति समवेदना प्रकट गरेका हुन् ।
यसका साथै भागदौडमा परी घाइते भएकाहरूको शीघ्र स्वास्थ्यलाभको समेत कामना गरेका छन् ।
I'm deeply grieved by the news of stampede and loss of many precious lives at Halloween celebration in Seoul. We extend heartfelt condolences and sympathies to the Government and people of ROK and the bereaved families and wish for a speedy recovery of the injured.
— Sher Bahadur Deuba (@SherBDeuba) October 30, 2022
हलोविन मनाउनका लागि लाखौंको संख्यामा राजधानी सोलमा जम्मा भएकाहरूबीच भागदौड मच्चिँदा १५१ जनाको मृत्यु भएको छ भने ८२ जना घाइते भएको अन्तर्राष्ट्रिय समाचार संस्थाहरूले उल्लेख गरेका छन् ।
प्रकाशित : कार्तिक १३, २०७९ १०:५५
