ओलीलाई नेपालले भने- ‘काम गर्न दिएनन् भनेर रूँदै हिँड्दा लाज लाग्दैन ?'

उनले प्रतिगामीलाई ठेगान लगाएको भन्दै यो अभियान नचालेको भए सबै उपलब्धि गुम्ने दाबी गरे ।ओली हिटलर बन्न खोजेको उनको आरोप थियो ।

एमाले अध्यक्ष ओली अब नसुध्रिने उनको दाबी थियो । ‘लाज लाग्दैन ? काम गर्न दिएनन् भनेर रूँदै हिँडेर हुन्छ,' उनले भने, 'बरु कमरेड घनश्याम भुसालले बोल्नुभएको भए कस्तो सुनिन्थ्यो, केपी ओली सुध्रनेवाला छैनन् ।'

नेता घनश्याम भुसालतर्फ इंगित गर्दै नेपालले भने –‘उहाँले ओलीलाई धुन्छु भन्नुभएको थियो, साबुनपानीले धुँदाधुँदै पाखा लाग्नुपर्‍यो ।'

आफूहरुले गठबन्धन गरेर मुलुकलाई निकै ठूलो संकटबाट बचाएको उल्लेख गर्दै एकीकृत समाजवादी अध्यक्ष नेपालले ओली नयाँ तानाशाह भएको आरोप लगाए । ओलीले सरकारको नेतृत्व गर्दा आफूले भने वा माओवादी अध्यक्ष प्रचण्डले भनेको मान्दै नमानेपछि छुट्टिनु परेको नेता नेपालले बताए ।