काठमाडौं–५ मा प्रदीप पौडेलको उम्मेदवारी दर्ता
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — नेपाली कांग्रेसका नेता प्रदीप पौडेलले काठमाडौं–५ बाट प्रतिनिधिसभा सदस्यका लागि उम्मेदवारी दिएका छन् । पौडेलले आइतबार दिउँसो निर्वाचन अधिकृतको कार्यालयमा पुगेर प्रतिनिधिसभा सदस्यका लागि मनोनयन दर्ता गराएका हुन् । ०७४ मा तनहुँमा माओवादी केन्द्रकी आशा कोइरालासँग प्रदेशसभा सदस्यमा ५ मतले पराजित भएका पौडेल यसपटक तनहुँ–२ बाट प्रतिनिधिसभा सदस्यको उम्मेदवारका आकांक्षी थिए ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![काठमाडौं–५ मा प्रदीप पौडेलको उम्मेदवारी दर्ता](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/politics/pradeep-poudel-09102022011457-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
तर, तनहुँका स्थानीय बासिन्दा पौडेललाई कांग्रेसले काठमाडौं–५ मा ल्याएर उम्मेदवार बनाएको हो । यहाँ ०७४ को निर्वाचनमा नेता प्रकाशशरण महत, नेकपा एमालेका वरिष्ठ उपाध्यक्ष ईश्वर पोखरेलसँग पराजित थिए । यसपटक पनि एमालेले पोखरेललाई नै उम्मेदवार बनाएको छ ।
तनहुँमा दुई वटा निर्वाचन क्षेत्र छन् । तर, तनहुँ–१ मा रामचन्द्र पौडेलले निरन्तर चुनाव लड्दा तनहुँ–२ नेता व्यवस्थापनका लागि उपयोग हुँदै आएको छ । कांग्रेसले यसपटक पनि तनहुँ–२ मा शंकर भण्डारीलाई उम्मेदवार बनाएको छ ।
काठमाडौं–५ मा प्रदेशसभातर्फ नेपाली कांग्रेसकै (क)मा श्याम खड्का र (ख) मा भैरव सापकोटाले मनोनयन दर्ता गरेका छन् ।
![](https://assets-cdn.ekantipur.com/uploads/source/ads/900-x-100-0172024023126.gif)