ठमेलमा कांग्रेसको 'विद्रोही' पक्षको भेला, समानुपातिक सूची सच्याउन माग- समाचार - कान्तिपुर समाचार
कान्तिपुर वेबसाईट
AdvertisementAdvertisement

ठमेलमा कांग्रेसको 'विद्रोही' पक्षको भेला, समानुपातिक सूची सच्याउन माग

कान्तिपुर संवाददाता

काठमाडौँ — नेपाली कांग्रेसका नेता शेखर कोइराला समूहका विद्रोही नेताहरुको भेला ठमेलस्थित एक होटलमा चलिरहेको छ । आगामी निर्वाचनका लागि टिकट वितरणमा सभापति शेरबहादुर देउवाको भूमिकाप्रति प्रश्न उठाउँदै कोइराला समूहका दोस्रो तहका नेताहरु निरन्तर विद्रोही भेला र कार्यक्रम गरिरहेका छन् ।

पार्टीमा ४० प्रतिशत सिट मागिरहेको कोइराला समूहका नेताहरुले समानुपातिक उम्मेदवार चयनमा सभापति देउवाले एकलौटी गर्ने प्रयास गरेको भन्दै विरोध गर्दै आएका छन् । समानुपातिक सूचीमा रहेका नाम सच्याउनुपर्ने उनीहरुको माग छ । कोइराला समूहका नेताहरुले विद्रोही गतिविधि गरे पनि नेता कोइरालासहित पदाधिकारीहरु भने सहभागी भएका छैनन् ।

ठमेलमा जारी भेलालाई बागमती प्रदेश सभापतिका प्रत्याशी जगदीश्वरनरसिंह केसीले संयोजन गरेका छन् भने भेलामा केन्द्रीय सदस्यहरु अजयबाबु शिवाकोटी, प्रकाश स्नेही, प्रतिमा गौतम, मधु आचार्य, प्रदेश १ सभापतिका प्रत्यासी गुरुराज घिमिरे, कर्णाली प्रदेश सभापतिका प्रत्याशी भुपेन्द्रजंग शाही, धादिङ सभापति रामनाथ अधिकारी, चितवनका पूर्वसभापति जितनारायण श्रेष्ठ लगायत नेताहरु सहभागी छन् ।

विद्रोही गतिविधि गर्दै आएका नेताहरुले सभापति देउवाले बेलैमा पार्टीभित्रको शक्ति समीकरणलाई ध्यान नदिए चुनावमै विद्रोह गर्ने सम्मको चेतावनी दिँदै आएका छन् । उनीहरुले सभापति देउवाले पार्टीभित्रको प्रतिस्पर्धी समूहलाई भन्दा गठबन्धनका अन्य दलहरुलाई महत्व दिएको आरोप लगाउँदै आएका छन् ।

प्रकाशित : आश्विन १०, २०७९ ११:११
प्रतिक्रिया
पठाउनुहोस्

प्रधानमन्त्री होइन आर्थिक विकास र समृद्धि मेरो प्राथमिकतामा छ : दाहाल

कान्तिपुर संवाददाता

काठमाडौँ — नेकपा माओवादी केन्द्रका अध्यक्ष पुष्पकमल दाहालले आफ्ना लागि प्रधानमन्त्री पद प्राथमिकताको विषय नभएको बताएका छन् । दसैंका अवसरमा प्रेस सेन्टर नेपाल चितवन जिल्ला समन्वय समितिद्वारा आयोजित शुभकामना आदानप्रदान कार्यक्रममा अध्यक्ष दाहालले जनताको आर्थिक विकास र समृद्धि पहिलो प्राथमिकता भएको बताएका हुन् । 

२०७४ सालको निर्वाचनपछि आफूलाई ५ वर्ष नै प्रधानमन्त्री बन्न प्रस्ताव आएको उल्लेख गर्दै अध्यक्ष दाहालले भने, 'केही वर्षदेखि म प्रधानमन्त्रीको रेसमा होइन, लोकतन्त्रको रक्षा, राष्ट्रको रक्षा, संविधानको रक्षा मेरो पहिलो प्राथमिकता हो । जनताको आर्थिक विकास र समृद्धि मेरो पहिलो प्राथमिकता हो । मैले चाहेको भए २०७४ सालपछि मलाई पाँचै वर्ष प्रधानमन्त्री हुने अफर थियो । त्यो त्यसपछि पनि थियो । त्यसपछि अहिले भर्खर पनि छ तर प्रधानमन्त्री मुख्य होइन ।'

जनताको फैसला सर्वोपरी हुने उल्लेख गर्दै उनले भने, 'राजनीतिक स्थिरता लोकतन्त्रको सुदृढीकरण आर्थिक विकासको वातावरण बनाउने र त्यसमा आफूलाई समर्पति गर्ने प्रतिबद्धता व्यक्त गर्न चाहन्छु, फैसला तपाईंहरूको हातमा छ । तपाईंहरूले कस्तो फैसला लिनुहुन्छ म त्यसलाई सम्मान गर्छु । चितवनका जनता धेरै सचेत छन् । उनीहरूको फैसला जहिले पनि अग्रगामी लोकतन्त्र र विकास र समृद्धिका पक्षमा हुन्छ ।'

गिरिजाप्रसाद कोइरालासँग शान्ति सम्झौतामा हस्ताक्षर गर्दा पनि जनताको जुनसुकै फैसला मान्छौँ भनेर संविधानसभाको चुनावमा होमिएको उनले बताए । अहिले पनि शान्ति सम्झौता कार्यान्वयनमा केही पक्ष इमान्दार नदेखिएको उनको भनाइ थियो ।

प्रकाशित : आश्विन १०, २०७९ १०:४६
पूरा पढ्नुहोस्
प्रतिक्रिया
पठाउनुहोस्
×