डा. केसीका प्रतिनिधि र सरकारबीचको वार्ता निष्कर्षविहीन
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — सरकारी पक्ष र अनशनरत डा. गोविन्द केसीका प्रतिनिधिबीचको आइतबारको वार्ता निष्कर्षविहीन बनेको छ । वार्ताले कुनै निचोड दिन नसके पनि सकारात्मक रहेको र गृहकार्य गरेर पुनः छलफलमा जुट्ने सहमति भएको केसी पक्षका वार्ता संयोजक डा. जीवन क्षेत्रीले बताए ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![डा. केसीका प्रतिनिधि र सरकारबीचको वार्ता निष्कर्षविहीन](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/gkc-1292022114930-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
‘हामीले मागहरूबारे जानकारी गरायौं, सरकारी पक्षले १९ औं अनशनका बेला भएको सम्झौताको कार्यान्व्यनबारे ब्रिफिङ गर्नुभयो,’ उनले भने, ‘थप गृहकार्य गरेर फेरि वार्तामा बस्ने कुरा भएको छ ।’ सरकारी वार्ता टोलीले मागहरूबारे निष्कर्षमा पुग्न मन्त्रीहरूसँग छलफल गर्नुपर्ने बताएका थिए ।
सरकारले प्रधानमन्त्री तथा मन्त्रीपरिषद् कार्यालयका सचिव रामप्रसाद घिमिरेको संयोजकत्वमा वार्ता टोली बनाएको छ । स्वास्थ्य सचिव रोशन पोखरेल र शिक्षा सचिवालय सचिव रामकृष्ण सुवेदी टोलीका सदस्य रहेका छन् ।
डा. केसी विभिन्न माग राखी पछिल्लो पटक ७ दिनदेखि धनगढीमा अनशनमा बसेका छन् । उनको तर्फबाट अधिवक्ता ओमप्रकाश अर्याल, डा. लिजन महर्जन लगायतका वार्ता टोलीमा सहभागी छन् । डा. केसीले भदौ २७ गते धनगढीको लक्ष्मीनारायण मन्दिरको धर्मशालामा २० औं सत्याग्रह सुरु गरेका छन् । चौथो दिनदेखि उनको स्वास्थ्यमा समस्या देखिन थालेपछि सेती प्रादेशिक अस्पतालको वार्डमा सारिएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)