सरकारद्वारा विद्युत् विधेयक फिर्ता
काठमाडौँ — सरकारले राष्ट्रिय सभामा विचाराधीन विद्युत् विधेयक, २०७७ फिर्ता लिएको छ । संविधानको धारा ११२ र राष्ट्रिय सभा नियमावली, २०७५ को नियम ११६ बमोजिम विचाराधीन विधेयक सरकारले फिर्ता लिएको हो ।
राष्ट्रिय सभाको शुक्रबारको बैठकमा ऊर्जा, जलस्रोत तथा सिँचाइमन्त्री पम्फा भुसालद्वारा प्रस्तुत उक्त विधेयक फिर्ता गर्ने प्रस्ताव सर्वसम्मतिबाट स्वीकृत भएको हो ।
राष्ट्रिय सभा अध्यक्ष गणेशप्रसाद तिमिल्सिनाले सो विधेयक राष्ट्रिय सभाबाट फिर्ता भएको घोषणा गरेका थिए । राष्ट्रिय सभाको अर्को बैठक आगामी असोज २ गते आइतबार बिहान बस्नेछ ।
प्रकाशित : भाद्र ३१, २०७९ १५:२९प्रतिक्रिया