देशको अवस्था जीवनकालकै असामान्य : अध्यक्ष लिङ्देन

लोकतान्त्रिक गणतन्त्रका नाममा केही राजनीतिक दलहरुका कारण यो अवस्था आएको उनको भनाइ थियो । ‘हत्या, हिंसा, आतंक छैन, बन्द हड्ताल छैन देश कहाँ असामान्य छ भन्ने बुझ्नु होला,’ उनले थपे, ‘तर मु्लुक चरम भ्रष्टाचार, महँगी, बेरोजगारी, वैदेशिक हस्तक्षेपका कारण समस्यामा परेको छ ।’

उनले छिमेकी मान्ने तर हस्तक्षप नसहने धारणा राखे । आगामी निर्वाचनमा सधैं सत्तामा रहने दलहरुको विकल्प खोज्न मतदातालाई उनको आग्रह थियो । धेरैजसो युवा शक्ति वैदेशिक रोजगारमा रहेको र देशमा जेष्ठ नागरिक र भएका युवाहरु पनि दलका पछाडि लागेकाले समस्या अझ थपिँदै गएको उनको तर्क थियो । अध्यक्ष लिङ्देनले विदेशी शक्तिहरु कुन दललाई विजयी गराउ भन्ने योजनामा पनि लागेको आरोप लगाए ।