राष्ट्रियसभा अध्यक्षले भने : दसैंअघि नाका खोलिदिनुस्, चिनियाँ अध्यक्ष लीको जवाफ : पहल गर्छु

राष्ट्रियसभाका अध्यक्ष तिमिल्सिनाले सोमबार बानेश्वरस्थित संसद् भवनमा भएको द्विपक्षीय प्रतिनिधिमण्डलबीच भेटवार्ताका दौरानमा नाकाहरु छिटो खुलाउनको लागि चिनियाँ पक्षलाई आग्रह गरेको अध्यक्ष तिमिल्सिनाका प्रेसविज्ञ अशोक पौडेलले जानकारी दिए ।

जवाफमा चिनियाँ जनकंग्रेसका अध्यक्ष लीले आफूले नाकाहरु छिटै खुलाउनको लागि पहल गर्ने प्रतिबद्धता व्यक्त गरेका थिए । अध्यक्ष तिमिल्सिनाले वेल्ट एन्ड रोड इनिसियभिटसँगै बहुपक्षीय सोझदारी र संसदीय साझेदारीमा जोड दिनुपर्ने बताएका थिए ।

अध्यक्ष तिमिल्सिनाले नेपाल एक चीन नीतिमा प्रतिबद्ध रहेको बताएका थिए । उनले कोभिडका कारण चीन फर्किएका कामदार छिटो फर्काउन र चीनद्वारा सञ्चालित योजनाहरुलाई गति दिन आग्रह गरेका थिए । जसको जवाफमा अध्यक्ष लीले आफू चीन फर्केपछि यस विषयमा पहल गर्ने बताएका थिए ।