पाकिस्तानलाई नेपालले २ करोड रुपैयाँबराबरको राहत सामग्री दिने
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — नेपालले पाकिस्तानलाई २ करोड रुपैयाँबराबरको राहत सामग्री सहयोग गर्ने भएको छ । बाढीबाट प्रभावितका लागि नेपाल सरकारबाट पाकिस्तान सरकारलाई २ करोड रुपैयाँबराबरको राहत सामग्री दिन लागिएको गृह मन्त्रालयका प्रवक्ता फणिन्द्रमणि पोखरेलले जानकारी दिएका छन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![पाकिस्तानलाई नेपालले २ करोड रुपैयाँबराबरको राहत सामग्री दिने](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/flood-pak-1292022025337-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
गत भदौ २१ गते बसेको मन्त्रिपरिषद् बैठकले बाढीबाट प्रभावित पाकिस्तानलाई २ करोड रुपैयाँ बराबरको राहत सामग्री दिने निर्णय गरेको हो । मंगलबार परराष्ट्रमन्त्रालयकी सहसचिव तथा प्रवक्ता सेवा लम्साल नेतृत्वको टोली पाकिस्तानमा राहत सामग्री लिएर जाँदैछ ।
यस वर्ष पाकिस्तान बाढीबाट नराम्ररी प्रभावित भएको छ । अन्तर्राष्ट्रिय सञ्चारमाध्यमहरूका अनुसार गत जुन १४ यता पाकिस्तानमा बाढीबाट १२ सयभन्दा बढीको मृत्यु भएको छ । गत शनिबार मात्रै पाकिस्तानमा बाढीले ५७ जनाको मृत्यु भएको थियो ।
गत जुलाई र अगस्टमा पाकिस्तानको दक्षिणी भेगमा ३९१ मिलिमिटरसम्म वर्षा भएको थियो । सिन्ध प्रान्तमा औसतभन्दा ४६६ प्रतिशत बढी वर्षा भएको रोयटर्सले जनाएको छ ।
प्रकाशित : भाद्र २७, २०७९ १८:३०