भिजिट भिसामा कुवेत जान लागेका ३९ महिला नियन्त्रणमा

उनीहरू बुधबार बिहान ३ बजे जजीरा एयरको उडानमार्फत कुबेत जान लागेका थिए । भिजिट भिसाका लागि आवश्यक कागजात नभएकाले मानव तस्करीमा संलग्न समूहले कुबेत लैजान लागेको आशंकामा उनीहरूलाई रोकेको त्रिभुवन अन्तर्राष्ट्रिय विमानस्थल सुरक्षा कार्यालय प्रमुख डीआईजी श्यामलाल ज्ञवालीले बताए ।

ती महिलाहरूलाई पीडितका रूपमा माइती नेपालमा पठाएको र अनुसन्धान भइरहेको प्रहरीले जनाएको छ ।