बाटोमा फोहोर फ्याँक्नु अपराध हो, सीसीटीभीबाट खोजेर कारबाही हुन्छ : मेयर शाह

बुधबार नेपाल प्रहरीले आयोजना गरेको उपत्यकास्तरीय अपराध अनुसन्धान समीक्षा गोष्ठीमा उनले सीसीटीभीबाट बाटोमा फोहोर फाल्नेको निगरानी गरिने बताए । त्यस्तै उनले त्यस्ता व्यक्तिको पहिचान गरी कारबाहीको दायरामा समेत ल्याइने बताए ।

काठमाडौं उपत्यकाको सबै फोहोर केही दिनभित्रै उठिसक्ने पनि उनले बताए । उपत्यकामा अपराध रोकथाम र नियन्त्रणमा महानगर सहकार्य र समन्वय गरेर अगाडि बढ्ने प्रतिबद्धता मेयर शाहले गरे । महानगरले विभिन्न ठाउँमा सीसीटीभी थप्न लागेको पनि उनले बताए ।