नागरिकता विधेयक फिर्ता गर्दा राष्ट्रपतिले बडो राम्रो निबन्ध लेख्नुभयो : कर्ण - समाचार - कान्तिपुर समाचार
कान्तिपुर वेबसाईट
AdvertisementAdvertisement

नागरिकता विधेयक फिर्ता गर्दा राष्ट्रपतिले बडो राम्रो निबन्ध लेख्नुभयो : कर्ण 

कान्तिपुर संवाददाता

काठमाडौँ — लोकतान्त्रिक समाजवादी पार्टीका सांसद लक्ष्मणलाल कर्णले राष्ट्रपति विद्यादेवी भण्डारीले नागरिकता विधेयक फिर्ता गर्न लेखेको सन्देश असान्दर्भिक रहेको बताएका छन् । नागरिकता विधेयकसँग असम्बन्धित कुरा सन्देशमा लेखेकाले संसद्‍मा छलफल गर्न पनि आवश्यक नभएको तर राष्ट्रपतिको सम्मानका लागि बोल्नुपरेको कर्णको भनाइ थियो । 

प्रतिनिधिसभाको बिहीबारको बैठकमा नागरिकता विधेयक र त्यसम्बन्धमा राष्ट्रपतिले फिर्ता गर्दा लेखेको सन्देशमाथिको छलफलका क्रममा कर्णले बरु संविधान संशोधन गर्न भनेको भए राम्रो हुन्थ्यो भनेका छन् ।

'नागरिकता विधेयक राष्ट्रपतिले फिर्ता पठाउनुभएको छ, ठीकै छ । संविधानले अधिकार दियो, फिर्ता पठाउनुभयो । हामीले सम्मान गर्‍यौं र आज छलफल गर्दैछौं, यसको जरुरी थिएन । राष्ट्रपतिले यसलाई फिर्ता पठाउनुभएको कारणबाट फेरि छलफल गर्दैछौं,' लोसपाका सांसद कर्णले भने, 'राष्ट्रपतिले फिर्ता पठाउनुभएको ८ बुँदे सन्देश यो विधेयकसँग कहाँ सम्बन्धित छ ? कुन ठाउँमा सम्बन्धित छ ? मैले पढ्दै गर्दा बडो राम्रो निबन्ध लेख्नुभएको लाग्यो ।'

संविधानमा नागरिकतासम्बन्धी व्यवस्था भएको र त्यसअनुसार नै विधेयक ल्याएको भन्दै कर्णले संविधानमा लेखेको कुरालाई विधेयकले संशोधन गर्न नसक्ने कुरा स्मरण गराए । उनले भने, 'संविधानमा लेखेको कुरालाई विधेयकबाट संशोधन हुन्छ ? के को छलफल गर्ने ? सरकारले एउटा सत्प्रयास गरेको छ । यत्रो व्यक्तिको आँशु पुछ्ने काम गरेको छ । यसलाई कुनै पनि बहानामा लम्ब्याउन हुन्न ।'

नागरिकताका विषयमा सरकारमा रहेका र प्रतिपक्षमा रहेका दलहरूले स्वीकार गरेका विषय विधेयकमा रहेको कर्णको भनाइ थियो । 'प्रमुख प्रतिपक्षी पनि यो कुरालाई अध्यादेश ल्याएर स्वीकार गरेको अवस्था हो कि होइन ? नागरिकता विधेयकको प्रतिवेदनमा वैवाहिक अंगीकृतमा संसद्मा असहमतिसाथ पेस भएको कारणले त्यसलाई थाती राखौं, बाँकी कुरा ल्याउँ भनिएको होइन ? आज पनि सरकारले त्यै कुरा गरेको हो । आज पनि पटकपटक राष्ट्रिय सहमति हुँदा फेरि राष्ट्रिय सहमतिका कुरा सुन्दाखेरि बडा अप्ठ्यारो लागिराख्या छ,' उनले भने, 'एकचोटी ध्यान दिउँ सात लाख मान्छे बेरोजगार भएर बस्या छ । पढ्न पाएको छैन । विदेश काम गर्न जान पाएको छैन, नागरिकताको अभावमा । सवारी लाइसेन्स पाएको छैन । कस्तो जिवन होला ? तर फेरि त्यसलाई टार्ने हामी गर्दैछौं भने कति असंवेदनशील विषय हो । सात लाख मान्छे रोइराख्याछन्, कराइराख्याछन्, सडकमा आइराख्याछन् । हामी भन्छौं राष्ट्रिय सहमति गरौं ?'

जन्मसिद्ध नागरिकताका विषयमा विधेयकमा संविधानको व्यवस्था नै उल्लेख गरिएकाले विवाद गर्नु ठीक नभएको कर्णको भनाइ थियो ।

प्रकाशित : भाद्र २, २०७९ १३:४९
प्रतिक्रिया
पठाउनुहोस्

बलात्कारको आरोप लागेका क्याम्पस प्रमुख पुर्पक्षका लागि कारागार चलान

तृप्ति शाही

बैतडी — बलात्कारको आरोप लागेका बैतडीका एक क्याम्पस प्रमुखलाई पुर्पक्षका लागि कारागार चलान गरिएको छ । कारागार चलान हुनेमा पुर्चौंडी बहुमुखी क्याम्पसका प्रमुख राजेन्द्रसिंह नेगी रहेका छन् ।

बैतडी जिल्ला अदालतले नेगीलाई पुर्पक्षका लागि कारागार चलान गर्न आदेश दिएको जिल्ला प्रहरी कार्यालय बैतडीका प्रमुख प्रहरी नायब उपरीक्षक प्रेमबहादुर शाहीले जानकारी दिए ।

कैलाली घर भई पुर्चौंडीमा ज्यालामजदुरी गर्दै आएकी एक महिलामाथि क्याम्पस प्रमुख नेगीले बलात्कार गरेको आरोप लागेको थियो । गत असार २० गते पानी माग्ने निहुँमा महिलामाथि उनले बलात्कार गरेको आरोप लागेको हो ।

पीडित महिलाले आफूमाथि जबर्जस्ती करणी गरेको भन्दै दिएको जाहेरीका आधारमा नेगीविरुद्ध जबर्जस्ती करणी मुद्दा दर्ता भएर अनुसन्धान गरिएको जिल्ला प्रहरी कार्यालयले जनाएको छ ।

प्रकाशित : भाद्र २, २०७९ १३:४१
पूरा पढ्नुहोस्
प्रतिक्रिया
पठाउनुहोस्
x
×