गठबन्धन मुलुकको आवश्यकता : सञ्चारमन्त्री कार्की
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काभ्रे — सञ्चार तथा सूचना प्रविधिमन्त्री ज्ञानेन्द्रबहादुर कार्कीले गठबन्धन मुलुकको आवश्यकता भएको तर्क गरेका छन् । नेपाल प्रेस युनियन काभ्रेले बनेपामा गरेको पत्रकार भेटघाट कार्यक्रममा मन्त्री कार्कीले मुलुकमा स्थिरता र समृद्धिका लागि गठबन्धन गरिएको तर्क गरे ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![गठबन्धन मुलुकको आवश्यकता : सञ्चारमन्त्री कार्की](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/politics/sanchar-mantri-0982022011247-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
‘गठबन्धन भएपछि मुलुकमा संविधान, लोकतन्त्रको रक्षा भएको छ, समृद्धितर्फ मुलकु अघि बढिरहेको छ,’ उनले भने, ‘मुलुकको आवश्यकता र जनताको चाहनाअनुसार फेरि पनि गठबन्धन हुन्छ र यो निर्वाचनपछि पनि कायम रहन्छ ।’
सत्ता गठबन्धनमा सिट संख्या टुंग्याउन बनेको कार्यदलका सदस्यसमेत रहेका उनले सिट संख्याका बारेमा सकरात्मक छलफल भइरहेको भन्दै ‘पावर सेयरिङ’ मा दलहरूलाई एकजुट बनाएर छिटै टुंगो लगाउने बताए ।
निर्वाचन सम्पन्न गर्नु सरकारको प्रमुख दायित्व भएको बताउँदै मन्त्री कार्कीले आगामी मंसिर ४ गते घोषणा भएको प्रतिनिधिसभा र प्रदेशसभाको निर्वाचन शान्तिपूर्ण, निष्पक्ष हुने भन्दै मतदाता निर्भयतापूर्वक सहभागी हुने विश्वास व्यक्त गरे । हालै सम्पन्न स्थानीय तहको निर्वाचनले लोकतन्त्रको जग बलियो बनाएको भन्दै मन्त्री कार्कीले आगामी निर्वाचनले विकास र समृद्धिको चाहना पूरा गर्ने दाबी गरे ।
![](https://assets-cdn.ekantipur.com/uploads/source/ads/900-x-100-1-0282024055738.gif)