प्रजातन्त्र सेनानी बादेको निधन
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काभ्रे — प्रजातन्त्र सेनानी गोपालदास बादेको ९७ वर्षको उमेरमा निधन भएको छ । बुधबार बिहान ३ बजे उनको बनेपास्थित निवासमा नै निधन भएको नेपाली कांग्रेस वाग्मती प्रदेश महामन्त्री रहेका उनका छोरा कञ्चनचन्द्र बादेले जानकारी दिए । स्वर्गीय बादेका २ छोरा र २ छोरी छन् ।
![](https://assets-cdn.ekantipur.com/uploads/source/ads/900x100-1172024092759.gif)
![प्रजातन्त्र सेनानी बादेको निधन](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/bade-0382022041521-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
दाजु राजदास बादेको संगतले राजनीतिमा लागेका गोपालदास महात्मा गान्धीको सानिध्यमा समेत बसेका थिए । तुलसीमेहर श्रेष्ठमार्फत उनी गान्धीको सम्पर्कमा पुगेका थिए । कोलकातामा भएको नेपाली कांग्रेसको महाधिवेशनमा भाग लिएका उनका दाजु राजदासको प्रेरणाले राजनीतिमा लागेका गोपालदास बादेको घर बीपी कोइराला, कृष्णप्रसाद भट्टराईका आश्रयस्थलसमेत थियो ।
सामाजिक काममा पनि उत्तिकै सक्रिय बादे परिवारको सहयोगमा बनेपामा शिर मेमोरियल अस्पताल स्थापना भएको थियो ।
![](https://assets-cdn.ekantipur.com/uploads/source/ads/900-x-100-0172024023126.gif)