वाग्मतीमा स्थानीय निर्वाचन परिणाम सोचेजस्तो भएन‚ हाम्रै कारणले : ओली

एमालेको वाग्मतीस्तरीय भेला तथा प्रशिक्षण कार्यक्रमलाई बुधबार सम्बोधन गर्ने क्रममा ओलीले पार्टीका नेता र कार्यकर्तामा इमानदारिता‚ अनुशासन र संकल्पको कमीका कारण स्थानीय तहको निर्वाचनमा वाग्मती प्रदेशमा सोचेजस्तो परिणाम नआएको बताए ।

'गएको स्थानीय निर्वाचनको परिणाम यस प्रदेशमा जस्तो हुनुपर्थ्यो; त्यस्तो भएन । कसको कारणले भन्दा हाम्रो आफ्नै कारणले भएन,' पार्टीको वाग्मती प्रदेश कमिटीका नेता तथा कार्यकर्ताहरूलाई ओलीले भने, 'कामरेडहरूलाई इमानदार भएर सोच्न आग्रह गर्छु । कति इमानदारिताका साथ, कति इमान्दार भएर सोच्यौ र काममा लाग्यौं ?'