केन्द्रीय समितिमा जनार्दनको प्रष्टीकरण- एसपीपीको राष्ट्रघात ओझेल पार्न बजेटको मुद्दा उठाइयो
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — बजेट निर्माणका क्रममा अनधिकृत व्यक्तिलाई अर्थमन्त्रालय प्रवेश गराएको आरोप लागेर पद गुमाएका जनार्दन शर्माले स्टेट पार्टनरसीप प्रोग्राममा गरेको राष्ट्रघात ओझेल पार्नका लागि बजेटको विषय उठान गरेको दाबी गरेका छन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![केन्द्रीय समितिमा जनार्दनको प्रष्टीकरण- एसपीपीको राष्ट्रघात ओझेल पार्न बजेटको मुद्दा उठाइयो](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/janardan-0842022074249-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
नेकपा माओवादी केन्द्रको केन्द्रीय समिति बैठकमा बिहीबार शर्माले विशेष समय मागेर आफ्ना धारणा राखेका थिए । 'माओवादी पार्टीका अर्थमन्त्रीले ल्याएको बजेटलाई ‘सेबोटेज’ गर्नका लागि अहिले त्यस्तो गरिएको हो,' उनले भने, 'एसपीपीको एउटा मुद्दा उठेको थियो । एसपीपीमा राष्ट्रघात भएको कुरा ओझेल पार्नका लागि यो मुद्दा उठाइएको हो । ओम्नीलगायत अरु धेरै मुद्दाहरू छन् ।'
शर्माले संसदीय छानबिन समिति बनेको अवस्थामा प्रतिपक्षी दलका सांसदले यस्ता विषय उठाउनु गलत भएको बताए । उनले संसद्मा नेताहरूले त्यसबारे नबोलेकोमा आपत्ति जनाए । उनले रेकर्डबाट एमाले सांसद योगेश भट्टराईले बोलेका कुरा हटाउन भूमिका नखेल्नु गलत भएको बताए ।
![](https://assets-cdn.ekantipur.com/uploads/source/ads/900-x-100-0172024023126.gif)