प्रधानसेनापति शर्मा अमेरिकामा
काठमाडौँ — प्रधानसेनापति प्रभुराम शर्मा ५ दिने औपचारिक भ्रमणका लागि अमेरिका पुगेका छन् । उनी संयुक्त राष्ट्र संघको आह्वानमा शान्ति स्थापनार्थ नेपाली शान्ति सैनिकहरू रहेका लेबनान र सिरियामा निरीक्षण गरी त्यहाँ पुगेको नेपाली सेनाले जनाएको छ ।
शर्माले सोमबार भर्जिनियाको क्वान्टिमा अवस्थित नेसनल म्युजियम फ द मरिन क्रप्स र मरिन क्रप्स बेसको अवलोकन गरे । साथै, प्रधानसेनापति शर्माले त्यहाँका सैनिक अधिकारीहरुसँग भेटवार्ता पनि गरे ।
शर्माले मरिन क्रप्स कमान्ड एन्ड स्टाफ कलेजको भ्रमण पनि गरे । शर्माले अमेरिकास्थित नेपाली राजदूत श्रीधर खत्रीसँग वासिङ्टन डीसीमा भेटवार्ता गरेका थिए । शर्मा न्युर्योकस्थित संयुक्त राष्ट्र संघको कार्यालयमा पनि जाने कार्यक्रम रहेको छ । उनी असार १७ मा फर्कने कार्यक्रम छ ।