आधा शताब्दीअघि पाटनबाट चोरिएको विष्णु मूर्ति न्यूयोर्कमा- समाचार - कान्तिपुर समाचार
कान्तिपुर वेबसाईट
AdvertisementAdvertisement

आधा शताब्दीअघि पाटनबाट चोरिएको विष्णु मूर्ति न्यूयोर्कमा

कान्तिपुर संवाददाता

काठमाडौँ — आजभन्दा ५५ वर्षअघि चोरिएर अमेरिका पुगेको भगवान् विष्णुको मूर्ति अमेरिकाको न्यूयोर्कस्थित सबैभन्दा व्यस्त संग्रालयमा फेला परेको छ ।

न्यूयोर्कस्थित मेट्रोपोलिटन म्युजियम अफ आर्टमा फेला परेको विष्णुको उक्त मूर्तिलाई पन्ध्रौं शताब्दीमा निर्माण भएको कला मानिन्छ । हराएका/चोरिएका कला-सम्पदाबारे सोधखोज र पहिचानमा संलग्न अभियान ‘लस्ट आर्ट्स अफ नेपाल’ ले दिएको जानकारीमा पाटनस्थित एक मन्दिरबाट चोरिएको भनिए पनि यो सम्पदा रहेको मन्दिरको अवस्थिति भने खुलाइएको छैन ।

अभियानका अनुसार यो सम्पदाबारे ‘आर्कियोलोजिकल सर्भे अफ इन्डिया’मा समेत उल्लेख गरिएको छ । नेपालबाट चोरेर बाहिरी मुलुकमा लगिएकामध्ये अघिल्लो चरणमा तेस्रो मुलुक पुर्‍याइएको यो पुरातात्त्वक सम्पदा सन् १९६७ मै अमेरिका पुगिसकेको थियो ।

यसअघि पनि मेट्रोपोलिटन म्युजियम अफ आर्टमा रहेका उमामहेश्वर(पाटन), बुद्धमूर्ति(यट्खा) लगायत केही मूर्तिलाई नेपाल फर्काइसकिएको छ । मेट्रोपोलिटन म्युजियममा दर्जनौं पुरातात्त्विक नेपाली सम्पदाहरू थन्किएर वा प्रदर्शनीमा रहेको सूचना बाहिर आइसकेको छ ।

प्रकाशित : असार १२, २०७९ १५:१०
प्रतिक्रिया
पठाउनुहोस्

दिलमायाको मृत्युपछि कोठाबाट भागेका थिए एक पुरुष

कान्तिपुर संवाददाता

काठमाडौँ — गायिका दिलमाया सुनार कोठामै मृत अवस्थामा फेला परेकी छन् । अन्दाजी ३० वर्षीय लोकदोहोरी गायिका सुनार बालाजु नेपालटारस्थित आफ्नै कोठामा मृत भेटिएकी हुन् । मृत्युको कारण आत्महत्या वा अरु भन्नेबारे खुलिनसकेको प्रहरीले जनाएको छ ।

काठमाडौं उपत्यका अपराध अनुसन्धान कार्यालयका अनुसार उनको शव पोस्टमार्टमका लागि त्रिवि शिक्षण अस्पताल महाराजगन्जमा राखिएको छ । सुनारको मृत्यु हुँदा एक जना पुरुष पनि साथमै रहेकाले घटना थप शंकास्पद बनेको अनुसन्धानमा संलग्न प्रहरीका एक अधिकृतले बताए । ती शंकास्पद व्यक्तिलाई प्रहरीले नियन्त्रणमा लिएको छ । अस्पतालबाट पोस्टमार्टम रिपोर्ट आएपछि घटनाको कारण खुल्ने प्रहरीले जनाएको छ ।

सुनारको मृत्युबारे अनुसन्धानमा संलग्न प्रहरी स्रोतका अनुसार केही समयअघिबाटै उनी श्रीमानसँग सम्बन्ध विच्छेद गरी काठमाडौंमा बस्दै आएकी थिइन् । उनका एक छोरा छन् । उनी सुर्खेतमा मामाघरमा बस्दै आएको पनि खुलेको छ । यता काठमाडौंमा सुनार गहना पसलमा काम गर्ने एक व्यक्तिसँग ‘लिभिङ टुगेदर’मा भएको पनि खुलेको छ । प्रहरीका अनुसार सुनारको मृत्यु हुँदा ती व्यक्ति एउटै कोठामा थिए । हाल प्रहरी नियन्त्रणमा रहेका उनले आफू घटना हुँदा एउटै कोठामा रहेको स्विकारेका छन् । तर, आफू निद्रामा भएका बेला सुनारले सलले पासो लगाएर आत्महत्या गरेको दाबी उनले गरेका छन् । तर, घटनापछि उनी फरार भएका कारण सुनारको मृत्यु‚ आत्महत्या वा मारिएको हो भन्नेमा निचोडमा पुगिसकेको छैन ।

‘हामी सँगै थियौं । म निदाएछु । उनले पछ्यौरीले पासो लगाएर आत्महत्या गरिसकिछन् । त्यसपछि म डरले त्यहाँबाट हिडें,’ प्रहरीसमक्ष ती व्यक्तिले प्रारम्भिक सोधपुछमा भनेका छन् । तर, पासो लगाएको भनिएको सल र मृतक सुनारको मोबाइल घटनास्थलमा फेला परेको छैन । जसलाई प्रहरीले घटना लुकाउन शंकास्पद ती व्यक्तिले चलखेल गरेको हुन सक्ने आशंका गरेको छ ।

मृतक सुनारको फेसबुक र टिकटक अकाउन्टमा पनि उनले निराशाजन्य सामग्री तथा भिडियो पोस्ट गरेको देखिन्छ । ती पोस्ट उनी आफैंले वा उनीसँगै बस्ने अर्का व्यक्तिले गरेको हो भन्नेमा पनि प्रहरीले अनुसन्धान गरिरहेको जनाएको छ ।

‘घटना हुनुअघि सुनारको फेसबुकमा लामो सामग्री पोस्ट भएको देखिन्छ तर घटनास्थलबाट मोबाइल र शंकास्पद व्यक्तिले उल्लेख गरेको सल पनि फेला नपर्नुले अनुसन्धानको दायरा बढेको छ,’ अपराध अनुसन्धान कार्यालयका एक प्रहरी अधिकारीले भने ।


प्रकाशित : असार १२, २०७९ १५:०१
पूरा पढ्नुहोस्
प्रतिक्रिया
पठाउनुहोस्
×