नुवाकोटमा लागूऔषध दुरुपयोग तथा ओसारपसारविरुद्ध प्रभातफेरी- समाचार - कान्तिपुर समाचार
कान्तिपुर वेबसाईट
AdvertisementAdvertisement

नुवाकोटमा लागूऔषध दुरुपयोग तथा ओसारपसारविरुद्ध प्रभातफेरी

कृष्ण थापा

नुवाकोट — नुवाकोटमा प्रभातफेरी गरी लागूऔषध दुरुपयोग तथा ओसारपसारविरुद्धको अन्तर्राष्ट्रिय दिवस मनाइएको छ । जिल्ला प्रशासन कार्यालय नुवाकोटले आइतबार नुवाकोटको बट्टारबजार, दम्की, विदुरबजार हुँदै जिल्ला समन्वय समितिको हलमा कोणसभा गरेर प्रभातफेरीको समापन गरेको हो । 

लागू पदार्थ दुर्व्यसन र ओसारपसारविरुद्ध ऐक्यबद्धता जनाउँदै टोल र समाजले यसलाई रोक्नुपर्ने बताए । ‘बनाऔं लागूऔषधमुक्त गाउँ सहर, मिलेर संघ प्रदेश अनि स्थानीय सरकार’, ‘सुखी नेपाली समृद्ध नेपालको सपना, लागूऔषधमुक्त समाज हाम्रो परिकल्पना’ लगायत सन्देशमुलक प्लेकार्ड र ब्यानरसहित प्रभातफेरी निकालिएको थियो ।

प्रभातफेरीमा सरकारी कार्यालयका पदाधिकारी, संघसंस्था, शिक्षक, विद्यार्थी, व्यापारीलगायत सहभागी थिए । हरेक वर्षको जुन २६ तारिखलाई अन्तर्राष्ट्रिय लागू पदार्थ ओसारपसार तथा अवैध तस्करीविरुद्ध दिवसको रुपमा मनाउँदै आएको छ ।

प्रकाशित : असार १२, २०७९ १४:२०
प्रतिक्रिया
पठाउनुहोस्

ललितपुरमा ठेलामा पानीपुरी र चटपटे बिक्रीमा रोक

रासस

ललितपुर — ललितपुर महानगरपालिकाले हैजा नियन्त्रणका लागि पानीपुरी बिक्री वितरणमा रोक लगाएको छ । काठमाडौं उपत्यकामा हैजा देखिएकाले ललितपुर महानगरको २९ वटै वडामा फैलिन नदिन पानीपुरीमा रोक लगाइएको हो ।

फाइल तस्बिर

बाटोबाटोमा ठेला गाडामा पानीपुरी, चटपटे तथा पानी खाँदा रोग फैलने हुँदा नियन्त्रणका लागि ठेलागाडा पसल सञ्चालनमा रोक लगाइएको नगर प्रहरी प्रमुख सीताराम हाछेँथुले बताए । उनले भने, 'अहिले हावापानी दूषित छ, फोहर पानी खाँदा हैजा फलन सक्छ ।'

कतिपयले जारको भन्दै धाराको दूषित पानी खुवाउने गरेको पाइएको महानगरले जनाएको छ । हालका लागि सडकमा पानीपुरी र चटपटे बेच्न रोक लगाइएको हाछेँथुले बताए । महानगरले माइकिङ गर्दै २९ वटै वडामा जनचेतना फैलाउने काम गरिरहेको छ । स्वास्थ्यमा प्रतिकूल असर गर्ने क्रियाकलाप नियन्त्रण गर्नु आफ्नो कर्तव्य भएको महानगरले जनाएको छ ।

एक सातामा रोग नियन्त्रणमा नआए पानीपुरी बिक्री वितरणमा थप कडाइ गरिने हाछेँथुले जानकारी दिए ।

प्रकाशित : असार १२, २०७९ १४:१३
पूरा पढ्नुहोस्
प्रतिक्रिया
पठाउनुहोस्
×