भीभीआईपी उडानमा दुई पाइलट अनिवार्य 

यसैबीच प्राधिकरणको आइतबार बसेको संचालक समितिको बैठकमा अबदेखि अन्य सर्वसाधरणले गर्ने चार्टर उडानमा पनि दुइटा पाइलट अनिवार्य राख्नुपर्ने निर्णय गरेको छ । मौसमको अवस्था, पाइलटको स्वास्थ्य अवस्था, भौगोलिक अवस्था आदि स्थितिका आधारमा कतिपय उडानमा एउटा पाइलटले सर्वसाधरणका लागि चार्टर उडान गर्न पाउने प्राधिकरणका महानिर्देशक अधिकारीले बताए । उनका अनुसार नेपालको उड्डयन सुरक्षा अभिवृद्धि गर्ने नीतिअनुसार यस्तो निर्णय गरिएको हो ।

यसैबीच, अब हेलिकप्टर र वायुसेवाले काठमाडौं विमानस्थलमा तोकिएको संख्याभन्दा बढी जहाज पार्किङ गर्न पाउने छैनन् । ‘काठमाडौं बाहिर बेसको अनुमति लिएका हेलिकप्टर र वायुसेवाले आफ्ना जहाज मोफसलमा अनिवार्य राख्नुपर्ने निर्णय गरेका छौं,’ महानिर्देशक अधिकारीले भने, ‘यो निर्णय असार ७ गतेदेखि हेलिकप्टर र १३ गतेदेखि जहाजमा कडाईका साथ लागू हुनेछ ।’

प्राधिकरण मातहतको फ्लाइटअनुसार, नेपालमा ३६ वटा हेलिकप्टर छन् । यीमध्ये १४ वटा हेलिकप्टर अबदेखि काठमाडौं बाहिर अनिवार्य ‘नाइट–स्टप’मा रहनुपर्नेछ । त्यस्तै व्यावसायिक उडान गर्ने ९ वटा वायुसेवाका ४८ मध्ये २० वटा जहाज पनि बाहिर जानुपर्नेछ ।

‘संघीयताको मर्मअनुसार, प्रदेशको अर्थतन्त्र चलायमान बनाउन र प्रदेशका सर्वसाधरणले आफ्नो समयअनुसार केन्द्रीय राजधानीमा आउन यो समानताको निर्णयले अझ सहज हुनेछ,’ अधिकारीले भने ।