रातमाटे सबस्टेसन निर्माण गर्न एमसीएलाई जग्गा उपलब्ध गराउने मन्त्रिपरिषद्को निर्णय

मन्त्रिपरिषद् बैठकले सार्वजनिक खरिद पुनरावलोकन समितिको अध्यक्षमा पुर्वसचिव मोहनकृष्ण सापकोटालाई नियुक्त गरेको छ । त्यस्तै, तारागाउँ विकास समतिकिो अध्यक्ष सुरेशराज जोशी र सदस्य सचिवमा महेन्द्रकुमार थापालाई नियुक्त गरेको छ ।

बैठकले सरकारी जग्गा दर्ता तथा लिज उपलब्ध गराउनेसम्बन्धी कार्यनीति ०७८ र उपचार खर्च, राहत तथा आर्थिक सहायता सम्बन्धी मापदण्ड, ०७८ स्वीकृत गरेको छ ।

त्यस्तै, आगामी ८ देखि १२ गतेसम्म मलेसियामा हुने एपीजीको वार्षिक साधारण सभामा सचिव धनराज ज्ञवाली र उदयराज सापकोटालाई पठाउने निर्णय गरेको छ ।

बैठकले जापान सरकारबाट मानव संशाधन विकासकालागि प्राप्त हुने ३६ करोड ६२ लाख बराबरको अनुदान सहायता स्वीकार गर्ने निर्णय गरेको छ ।