अहिले कुनै पनि विश्वविद्यालयमा तालाबन्दी छैन : शिक्षामन्त्री पौडेल
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — शिक्षा, विज्ञान तथा प्रविधिमन्त्री देवेन्द्र पौडेलले हाल कुनै पनि विश्वविद्यालयमा तालाबन्दी नरहेको बताएका छन् । उनले प्रतिनिधिसभाको मंगलबारको बैठकमा त्रिभुवन विश्वविद्यालय लगायतमा लगाइएका ताला खोलिएको बताए ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![अहिले कुनै पनि विश्वविद्यालयमा तालाबन्दी छैन : शिक्षामन्त्री पौडेल](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/devendrapoudel-1462022092553-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
त्रिविलगायत विश्वविद्यालयमा लगाइएका तालाबन्दी खोलिएको मन्त्री पौडेलको भनाइ थियो । त्रिभुवन विश्वविद्यालयमा माघ ७ गते लगाइएको ताला खुलाइएको र त्यसका लागि आफूले पटकपटक छलफल गरेको उनको भनाइ थियो । उक्त ताला हाल खुलिसकेको उनले जानकारी दिए ।
'त्रिभुवन विश्वविद्यालयको ताला खोल्न झन्डै आधा दर्जनपटक मैले वार्ता गरेको छु । अरु विश्वविद्यालयमा पनि पठन- पाठनलाई असर गर्नेगरी वा प्रशासनका क्रियाकलाप असर गर्ने गरी शिक्षणसँग सम्बन्धित वा शैक्षिक मागका कुराहरू तालाबन्दी गरेर नगर्नुस् भनेर विभिन्न चरणमा वार्ता गरिएको छ,' उनले भने, 'अहिले पनि वार्ता गरिएको छ र त्रिभुवन विश्वविद्यालयको ताला खुलेको छ । ताला खोल्नको निम्ती जो जो पक्षले वार्ता गर्नुभयो तपाईंहरूले पनि यहाँ कुरा उठाएर सहयोग गर्नुभयो । अहिले यो समयमा कुनै पनि विश्वविद्यालयमा तालाबन्दी छैन ।'
मन्त्री पौडेलले विश्वविद्यालयमा तालाबन्दी गरेर माग र दबाब नराख्न आग्रह गरे । उनले विद्यार्थी, प्राध्यापक, कर्मचरी र सरोकारवालाई तालाबन्दी गर्ने काम नगर्न अनुरोध गरेका थिए ।
प्रकाशित : जेष्ठ ३१, २०७९ १४:०७