राजदूत शर्मा र भाजपा विदेश विभागका प्रमुख चौथाइवालेबीच भेटवार्ता
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — भारतका लागि नेपाली राजदूत शंकर शर्मा र भारतीय जनता पार्टी (भाजपा) का विदेश विभाग प्रमुख विजय चौथाइवालेबीच भेटवार्ता भएको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![राजदूत शर्मा र भाजपा विदेश विभागका प्रमुख चौथाइवालेबीच भेटवार्ता](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/chauthaiwale-shankar-sharma-0262022025629-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
उनीहरूबीच बिहीबार नयाँ दिल्लीमा भेटवार्ता भएको हो । राजदूत शर्माले चौथाइवालेसँग भेटवार्ता गर्दा खुसी लागेको उल्लेख गर्दै उनी नेपालको नजिकका मित्र र शुभेच्छुक रहेको ट्वीटमा उल्लेख गरेका छन् ।
चौथाइवालेले शर्मासँग भेटवार्ता गर्न पाउँदा खुसी लागेको र शर्माको कार्यकालमा भारत र नेपालबीचको सम्बन्ध थप बलियो हुने बताएका छन् ।
नयाँदिल्लीमा भाजपाको सरकार सन् २०१४ देखि नै छ । चौथाइवालेले नेपाली राजदूतहरूसँग पटक–पटक भेटवार्ता गर्दै आइरहेका छन् । यस्तै, नेपालका शेरबहादुर देउवाको नेतृत्वमा नयाँ सरकार बनेलगत्तै चौथाइवालेले नेपालको भ्रमण गरेका थिए ।
साथै, देउवाको चैतमा भएको भारत भ्रमणका दौरान नयाँदिल्लीमा रहेको भाजपाको मुख्यालयमा नेपालको प्रधानमन्त्रीलाई स्वागत गर्नेमा चौथाइवाले पनि थिए ।
![](https://assets-cdn.ekantipur.com/uploads/source/ads/900-x-100-0172024023126.gif)