भैरहवामा निगमको ‘न्यारोबडी’ले पहिलो व्यावसायिक उडान गर्ने
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — भैरहवास्थित गौतम बुद्ध अन्तर्राष्ट्रिय विमानस्थलमा सोमबार नेपाल वायुसेवा निगमको न्यारोबडी विमानले काठमाडौंबाट पहिलो व्यावसायिक उडान गर्ने भएको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![भैरहवामा निगमको ‘न्यारोबडी’ले पहिलो व्यावसायिक उडान गर्ने](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/narrow-body-1252022054737-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
नेपाल वायुसेवा निगमका उपनिर्देशक रमेश पौडेलका अनुसार प्रधानमन्त्री शेरबहादुर देउवाले भैरहवा विमानस्थलको उद्घाटन गर्ने भएका छन् । विमानस्थलमा निगमले काठमाडौंबाट भैरहवाका लागि आफ्नो न्यारोबडी विमानबाट पहिलो व्यावसायिक उडान गराउन लागेको हो ।
‘सोमबार बुद्ध जयन्तीका दिन निगमको न्यारोबडी विमान काठमाडौंबाट बिहान ६ बजे उड्ने छ,’ पौडेलले भने, ‘भैरहवाबाट ८ बजे काठमाडौं फर्किने छ ।’ उक्त उडानका लागि निगमले बिहीबार साँझदेखि टिकट बिक्री खुला गरिसकेको छ ।
निगमको मोबाइल एपबाट भैरहवाको टिकट ४५ सय रुपैयाँमा बिक्रीमा राखिएको छ । बिजनेस श्रेणीको टिकटदर ७ हजार रुपैयाँ राखिएको छ भने उद्घाटन उडानमा जाने यात्रुले मोबाइल एपबाट वा ट्राभल एजेन्सीबाट टिकट खरिद गर्न सक्ने छन् । निगमको १ सय ५८ सिट क्षमताको जहाजलाई एकतर्फी २७ मिनेट समय लाग्ने बताइएको छ ।
यसअघि जेठ १४ गते निगमकै वाइडबडी विमानले भैरहवा अन्तर्राष्ट्रिय विमानस्थलमा डेमन्स्ट्रेसन उडान गरेको थियो । सन् १९५८ जुलाई ४ मा पहिलोपटक उडान सुरु भएको भैरहवास्थित गौतम बुद्ध आन्तरिक विमानस्थललाई करिब साढे ७ अर्ब रुपैयाँ खर्च गरेर अन्तर्राष्ट्रिय विमानस्थल बनाइएको हो ।
७ वर्ष लगाई हालै निर्माण सम्पन्न गरिएको यो विमानस्थल त्रिभुवन अन्तर्राष्ट्रिय विमानस्थलपछि राजधानी बाहिरको दोस्रो अन्तर्राष्ट्रिय विमानस्थल हो ।
प्रकाशित : वैशाख २९, २०७९ २१:३३