नेपालमा ५ हजार लागूऔषध प्रयोगकर्ता उपचाररत

गृहमन्त्री बालकृष्ण खाँणले मंगलबार स्वीकृत गरेको उक्त सार्वजनिक गुरुयोजना बुधाबार सार्वजनिक गरिएको हो । गुरुयोजनाका अनुसार नेपालमा कुल १ लाख ३० हजार ४२४ जनाले लागूऔषध प्रयोग गर्दै आएको र तीमध्ये ८ हजार ३ सय ७२ महिला रहेका छन् ।

लागूऔषध प्रयोगकर्ताको वार्षिक वृद्धिदर ५.०६ प्रतिशत रहेको गुरुयोजनामा उल्लेख गरिएको छ । कुल आपराधिक घटनामध्ये लागूऔषधसम्बन्धी अपराधमा ९ प्रतिशत प्रयोगकर्ताहरू संलग्न रहेको गुरुयोजनामा बताइएको छ । यसैगरी आव ०७७/७८ मा ४ हजार ६ सय २६ जना लागूऔषध प्रयोगकर्ता पक्राउ परेका छन् भने ३ हजार १३ जनामाथि मुद्दा दायर गरिएको छ‚ जसमध्ये १ सय ४७ जना विदेशी नागरिक रहेका छन् ।

त्यस्तै लागूऔषध कारोबार हुने मुख्य पाँच जिल्लामा काठमाडौं‚ रुपन्देही‚ कास्की‚ कैलाली र पर्सा रहेका छन् ।