दिनभर चरम यातना खेपेका बालकको उद्धार

पैसा चोरीको आरोपमा नीजकै हजुरबुबाले मादक पदार्थ सेवन गरी नातिलाई खाबोमा बाँधेर चरम यातना दिएपछि स्थानीयले प्रहरीलाई जानकारी गराएका थिए । जानकारीपछि हिले प्रहरी चौकीबाट टोली परिचालन गरिएको थियो । घटनास्थलमा प्रहरी हवल्दार गणेश थापा मगर सहितको टोली पुगेको थियो । हात खुट्टा बाँधेर यातना दिइरहेको अवस्थामा प्रहरीले बालकको उद्दार गरेको हवल्दार थापा मगरले जनाए ।

बालकलाई प्रहरीले उनका बाबुआमाको जिम्मा लगाएको जिल्ला प्रहरी प्रमुख एसपी लक्ष्मीराज अधिकारीले बताए । चोरीको आरोपमा बालकलाई हजुरबुवा र आफन्तले चरम यातना दिएका हुन् ।

प्रहरीले हजुरबुबालाई चेतावनी दिँदै बालकको उद्धार गरेको हो । हजुरबुबा र आफन्तले बिहीबार बिहानदेखि साँझसम्म खम्बामा बाँधेर यातना दिएका थिए । बालकको नातामा हजुरआमा पर्ने चित्रमायाका अनुसार बाँधेर सिस्नु पानी र दाउराले कुटपिट गर्दा मुखबाट समेत रगत बगेको थियो । छरछिमेकसमेत उद्धार गर्नुको सट्टा रमितेमात्र बनेका थिए ।