शिक्षा निःशुल्क हुन सक्दैन : सिलवाल
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — स्वदेश र विदेश कतै पनि शिक्षा निःशुल्क हुन नसक्ने हिसानका अध्यक्ष रमेश सिलवालले बताएका छन् । निजी क्षेत्रका स्कुलहरूले महँगो शुल्क लिइरहेको आरोप लागिरहेका बेला उनले शिक्षा कुनै पनि हिसाबले निःशुल्क हुन नसक्नेमा जोड दिएका हुन् ।
![](https://assets-cdn.ekantipur.com/uploads/source/ads/900x100-1172024092759.gif)
![शिक्षा निःशुल्क हुन सक्दैन : सिलवाल](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/miscellaneous/ramesh-2132022084558-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
कान्तिपुर एजुकेसन समिट २०२२ को दोस्रो सत्र 'निजी शिक्षाको नाफा घाटा' विषयक अन्तरक्रिया कार्यक्रममा उनले यस्तो बताएका हुन् ।
निजी स्कुलमा अभिभावकले र सरकारीमा सरकारले शुल्क तिर्ने भएकाले कुनै पनि स्थानमा शिक्षालाई निःशुल्क गर्न नसकिने उनले बताए । 'शुल्क कसले तिर्ने भन्ने मात्र हो,’ उनले भने, 'जसलाई शुल्क तिर्नुपर्दैन उसले निःशुल्क ठान्छ । तर, त्यो शुल्क कसैले त तिरेकै हुन्छ ।’ शिक्षामा क्रमिक रुपमा लगानी गर्नु नै पर्ने भएकाले निःशुल्क गर्दा लागत पनि धान्न नसक्ने उनले बताए ।
नेपालको सन्दर्भमा सरकारले शिक्षामा लगानी गर्न नसकेकाले निजी क्षेत्र अघि आएको उनले दाबी गरे । निजी शिक्षाले प्रतिस्पर्धामा विश्वास गर्ने भएकाले गुणस्तरमा अभिवृद्धि भइरहेको उनले बताए ।
![](https://assets-cdn.ekantipur.com/uploads/source/ads/900-x-100-0172024023126.gif)