दलित संघको अध्यक्षमा एक दर्जन आकांक्षी
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — नेपाली कांग्रेसको भ्रातृ संस्था नेपाल दलित संघको पाँचौं राष्ट्रिय महाधिवेशन नजिकिँदै गर्दा नेतृत्वका आकांक्षीहरूको दौडधुप सुरू भएको छ । केन्द्रीय अध्यक्ष र पदाधिकारीका आकांक्षीहरू नेतृत्वका लागि दोडधुप गरिरहेका छन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![दलित संघको अध्यक्षमा एक दर्जन आकांक्षी](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/third-party/congress-2492021040532-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
संघले यही चैत ७, ८ र ९ गते बुटवलमा महाधिवेशन गर्ने मिति घोषणा गरिसकेको छ । नेतृत्वका आकांक्षीहरूले पार्टी र गुटका नेताहरूलाई रिझाउने प्रयास थालेका छन् ।
केन्द्रीय अध्यक्षका लागि संस्थापन समूहबाट महाधिवेशन आयोजक समितिका संयोजक एवम् उपाध्यक्ष शम्भु हजारा पासवान, अर्का उपाध्यक्ष रामकृष्ण लकान्द्री र लोकेन्द्र विश्वकर्मा आकांक्षी छन् । त्यस्तै, संस्थापन इतर पक्षबाट डोबाटे विश्वकर्मा, मुक्तबहादुर महते, शिव सुनार र कृष्ण विके रसाइली लगायत अध्यक्षका आकांक्षी छन् ।
आकांक्षीमध्ये अधिकांश नेताहरू पार्टीको केन्द्रीय सदस्यमा पराजित उम्मेदवार छन् । संस्थापन पक्षका आकांक्षीमध्ये लकान्द्री बलियो दाबेदार हुन् । उनलाई केन्द्रीय सदस्य एवम् पूर्वअध्यक्ष मीन विश्वकर्माको साथ छ । अर्का आकांक्षी विश्वकर्मालाई संस्थापन समूहका सहमहामन्त्री उम्मेदवार मानबहादुर विश्वकर्माको साथ छ ।
महाधिवेशन आयोजक समितिका संयोजक पासवान भने पहिलेदेखि नै संस्थापन समूह नै भए पनि हाल विमलेन्द्र निधि समूहमा भएका कारण उनले सभापति शेरबहादुर देउवाको साथ पाउने सम्भावना कम रहेको नेताहरू बताउँछन् ।
संस्थापन इतर पक्षबाट आकांक्षी रहेका डोबाटे विश्वकर्मा गण्डकी प्रदेशका आन्तरिक मामिला मन्त्री हुन् । तनहुँका उनी वरिष्ठ नेता रामचन्द्र पौडेल निकट मानिन्छन् । तर, पार्टीको गत महाधिवेशनमा उनी शेखर कोइराला समूहबाट केन्द्रीय सदस्य उम्मेदवार थिए । अर्का आकांक्षी महते यसअघि दलित विकास समितिको उपाध्यक्ष भइसकेका नेता हुन् ।
त्यस्तै, सुनार सिन्धुपाल्चोक कांग्रेसका कार्यवाहक सभापति हुन् । संघले चौथो महाधिवेशन भएको १० वर्षपछि अधिवेशन गर्न लागेको हो । लामो समयदेखि महाधिवेशन नहुँदा सिर्जना भएको रिक्तताका कारण धेरै आकांक्षीहरू रहेको केन्द्रीय सदस्य प्रकाश स्नेहीले बताए । ‘नियमित अधिवेशन हुन सकेन, जसले गर्दा नेतृत्वमा भ्याकुम सिर्जना भयो । अहिले लामो समयपछि अधिवेशन हुँदा धेरै आकांक्षी हुनु स्वभाविकै हो,’ उनले भने ।
प्रकाशित : फाल्गुन २४, २०७८ १८:०८