काठमाडौं ढुङ्गेधारामा तरकारी बजारमा आगलागी
काठमाडौँ — बालाजु ढुङ्गेधारा चोकनजिकैको तरकारी बजारमा आगलागी भएको छ । आइतबार बिहान सवा १ बजे बालाजु ढुङ्गेधारा चोकनजिकैको तरकारी बजारमा आगलागी भएको बालाजु प्रहरी वृत्तका डीएसपी गौतम मिश्रले जानकारी दिए ।
दमकलको प्रयोग गरी बिहान पौने दुई बजे आगो नियन्त्रणमा लिइएको डीएसपी मिश्रले बताए ।
आगलागीबाट केहि तरकारी र टहरो जलेको उनले जानकारी दिए । आगलागीको कारण भने नखुलेको तर बिजुली सटका कारण दुर्घटना घटेको हुन सक्ने डीएसपी मिश्रले बताए ।
प्रकाशित : फाल्गुन २२, २०७८ १०:०६प्रतिक्रिया
