पल शाहविरुद्ध बलात्कारको उजुरी दिने किशोरीको भरतपुरमा स्वास्थ्य परीक्षण 

पीडित किशोरीले २०७७ चैत ७ गते गैंडाकोटको एक होटलमा आफूलाई मादक पदार्थ खुवाएर अभिनेता पल शाहले बलात्कार गरेको भन्दै इलाका प्रहरी कार्यालय गैंडाकोटमा आजै दिउँसो किटानी जाहेरी दिएकी थिइन् ।

डीएसपी दीलिप गिरीले किशोरीको जाहेरीका आधारमा आइतबार चितवनको भरतपुरस्थित सरकारी अस्पतालमा किशोरीको स्वास्थ्य जाँच गरिएको जानकारी दिए । चिकित्सकले दिने रिर्पोट तथा अन्य प्रमाणका आधारमा अनुसन्धान अघि बढ्ने उनले बताए ।

प्रहरीले गत चैत ७ गते उनीहरु बसेको होटलमासमेत मुचुल्का गरेको छ । किशोरीले दिएको उजुरीमा सुटिंगका क्रममा आफूलाई होटलमा मादक पदार्थ खुवाएर बलात्कार गरेको आरोप छ ।

गैंडाकोटकी प्रहरी निरिक्षक लक्ष्मी पाण्डेका अनुसार निवेदन दर्ता गराउन ती पीडित किशोरी र उनका बाबु आएका थिए ।

यसअघि ती किशोरीले पल शाहविरुद्ध तनहुँमा पनि बलात्कार गरेको जाहेरी दिएकी थिइन् । सो घटनामा प्रहरीले अनुसन्धान गर्न शाललाई हिरासतमा राखेर अदालतबाट सात दिनको म्याद लिएको छ ।