एमसीसी कार्यान्वयन गर्न सबै दल लाग्नुपर्छ : सञ्चारमन्त्री कार्की

एमसीसी लागू भएसँगै नेपालमा उत्पादित बिजुलीले बजार पाउने उनको भनाइ थियो । संसद्‍मा अनुमोदनका लागि टेबल गर्दै कार्कीले बिजुलीको अन्तरदेशीय व्यापारलाई सहयोग पुग्ने बताएका थिए ।

'समयमै परियोजना कार्यान्वयन गरेर त्यसको प्रतिफल प्राप्त गर्नका लागि सबै राजनीतिक दल लाग्नु पर्छ,' कार्कीले भने, 'राष्ट्रिय गौरवको आयोजना भएको त्यसमा राष्ट्रिय सहमति होस् भन्ने उद्देश्यले संसद्‍मा अनुमोदनका लागि ल्याएका हौं ।'

उनले सन्धि ऐन २०७४ को दफा ४ बमोजिम त्यसलाई अनुमोदन गर्नुपर्ने बताए । कार्कीले सदनमा टेबल गर्दा नेकपा माओवादी केन्द्रका सांसद, नेकपा एकीकृत समाजवादीका नेता झलनाथ खनाल, नेपाल मजदुर किसान पार्टी, राष्ट्रिय जनमोर्चानका सांसदहरू नाराबाजी गरेका थिए ।