श्रमिकका लागि छुट्टै अस्पताल बनाउने सरकारको निर्णय
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — सरकारले श्रमिकहरूका लागि छुट्टै अस्पताल निर्माण गर्ने भएको छ । मन्त्रिपरिषद्को बिहीबार बसेको बैठकले श्रमिक अस्पताल स्थापनाका लागि आवश्यक प्रक्रिया अघि बढाउने निर्णय गरेको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![श्रमिकका लागि छुट्टै अस्पताल बनाउने सरकारको निर्णय](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/gyanendra-karki-0712022110738-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
अब श्रम रोजगार तथा सामाजिक सुरक्षा मन्त्रालयले अस्पताल निर्माणको प्रक्रिया अघि बढाउने बताइएको छ । सञ्चार तथा सूचना प्रविधिमन्त्री ज्ञानेन्द्रबहादुर कार्कीले बैठकले श्रमिक अस्पताल स्थापनाका लागि आवश्यक प्रक्रिया अघि बढाउन श्रम रोजगार तथा सामाजिक सुरक्षा मन्त्रालयलाई स्वीकृत प्रदान गर्ने निर्णय गरेको जानकारी दिए ।
सरकारले कोभिड–१९ को आकस्मिक प्रतिकार्य तथा जनस्वास्थ्य जोखिमको पूर्वतयारी परियोजनाका लागि विश्व बैंकबाट प्राप्त हुने अमेरिकी डलर १८ मिलियन अर्थात् २ अर्ब १४ करोड रुपैयाँ आर्थिक सहयोग स्वीकृत गर्ने निर्णय गरेको छ ।
त्यस्तै, नवीकरणीय ऊर्जा अनुदान नीति २०७८, औषधि दर्ता चौथो संशोधन नियमावली ०७८ र नेपाल मेडिकल काउन्सिल पाँचौं संशोधन नियमावली २०७८ स्वीकृत गर्ने निर्णय गरेको छ । बैठकले मुलुकी फौजदारी संहिता ०७४ को अनुसूची १ मा हेरफेर गर्ने निर्णय गरेको मन्त्री कार्कीले जानकारी दिए ।
प्रकाशित : फाल्गुन ६, २०७८ १५:३१