दमौलीबाट ८ जना बन्दकर्ता पक्राउ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
तनहुँ — एमसीसीको विरोधमा सडक तथा शैक्षिक सत्र बन्द गराउँदै हिँडेका बन्दाकर्तालाई प्रहरीले बुधबार दमौलीबाट पक्राउ गरेको छ । नेत्रविक्रम चन्द नेतृत्वको नेकपा लगायतका ६ दलीय मोर्चाका ८ जना नेता तथा कार्यकतालाई पक्राउ गरिएको प्रहरी नायब उपरीक्षक युवराज खड्काले जानकारी दिए ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![दमौलीबाट ८ जना बन्दकर्ता पक्राउ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/bandakartadamuli-1622022082945-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
उनीहरुलाई प्रहरी कार्यालयमा राखिएको छ । प्रहरीमा जिल्लामा कुनै पनि अप्रिय घटना नघटोस् भनी विभिन्न ठाउँमा सुरक्षा व्यवस्था कडा पारेको जनाएको छ ।
यस्तै,आम हड्तालका कारण बजार क्षेत्रका साथै शैक्षिक संस्था पूर्णरुपमा बन्द भएका छन् भने, बैंक तथा वित्तीय संस्था, सरकारी कार्यालयहरु खुल्ला रहेपनि सेवाग्राहीको उपस्थिति न्यून देखिएको छ ।
बन्दका कारण पृथ्वीराजमार्गमा न्यून रुपमा सार्वजनिक यातायातका साधान सञ्चालन भएका छन् । प्रहरीले स्कर्टिङ गरी राजमार्गमा यातायात सुचारु गरेपनि भित्री तथा ग्रामीण सडकमा भने सार्वजनिक यातायातका साधान सञ्चालन हुन सकेका छैनन् ।
![](https://assets-cdn.ekantipur.com/uploads/source/ads/900-x-100-0172024023126.gif)