एमसीसीबारे फेरि छलफल हुन्छ, चाँडै निष्कर्षमा पुग्छौं : सञ्चारमन्त्री कार्की

‘एमसीसीलाई चाँडै नै निष्कर्षमा पुर्‍याउँछौँ । यसबारे अहिले जुन बहस चलिरहेको छ, जुन किसिमको भ्रम र आशंकाहरू फैलिएका छन् यो चाँडै नै दुर भएर सहमतिबाटै निष्कर्षमा पुग्छ,’ उनले भने ।

उनले आइतबारको भेटवार्ताले राष्ट्रिय राजनीतिलाई सकारात्मक दिशामा अघि बढाउने अपेक्षा गरेको बताए ।

‘छलफल सकारात्मक दिशामा अघि बढेको छ । आगामी दिनमा यी नै विषयहरूमा छलफल हुने सहमतिका साथ बैठक सकिएको छ,’ उनले भने, ‘सत्ता पक्ष र प्रतिपक्षका बीच धेरै विषयमा गम्भीरताका साथ छलफल भएको छ । संसदलाई प्रभावकारी बनाउने विषयमा होस् वा चाहे एमसीसीलाई संसदबाट छलफल गरेर निष्कर्षमा पुर्‍याउने विषयमा होस्, आगामी दिनमा हुने छलफलले निष्कर्षमा पुर्‍याउनेछ भन्ने मलाई लाग्छ ।’ देउवा, ओली र दाहालबीच करिब दुई घण्टा छलफल भएको थियो ।