एमाले प्युठानको अध्यक्षमा विजय विराज विष्ट- समाचार - कान्तिपुर समाचार

एमाले प्युठानको अध्यक्षमा विजय विराज विष्ट

कान्तिपुर संवाददाता

प्युठान — नेकपा एमाले प्युठानको अध्यक्षमा विजय विराज विष्ट विजयी भएका छन् । नयाँ नेतृत्वका लागि भएको निर्वाचनमा ३१४ मत ल्याउँदै विष्ट विजयी भएका हुन् ।

अध्यक्षका प्रत्यासी नेहरसिंह केसीलाई ७३ मतले पछि पार्दै विष्ट विजयी भएको निर्वाचन समितिका संयोजक नेत्रबहादुर रोका क्षेत्रीले जानकारी दिएको छ । केसीले १७६ मत ल्याएका थिए । यस्तै उपाध्यक्षमा झगबहादुर विश्वकर्मा २९५ मत ल्याएर विजयी भए । उनका प्रतिद्वन्द्वी मुक्ति पोख्रेलले १७९ मत प्राप्त गरे ।

सचिवमा माधव शर्मा विजयी भए । शर्माले २७२ मत प्राप्त गर्दा सचिवका अर्का प्रत्यासी नेगनसिंह कुँवरले १८६ मत पाए । सहसचिवमा दिपा घर्तीले ३८४ र श्रीधर रोकाले ३७२ मत प्राप्त गर्दै विजयी भएका छन् । सहसचिवका प्रत्यासी बिनोद वलीले १७१ मत प्राप्त गरे ।

त्यस्तै दलित सदस्यमा राजेन्द्र गौतमले २७९, पुर्खसिंह सुनारले १७६ मत ल्याउँदै विजयी भएको संयोजक क्षेत्रीले जानकारी दिए ।

प्रकाशित : पुस २६, २०७८ १५:१४
प्रतिक्रिया
पठाउनुहोस्

सोमबार पनि बढ्यो सेयर बजार, ७ अर्ब नाघ्यो कारोबार 

कान्तिपुर संवाददाता

काठमाडौँ — सोमबार पनि सेयर बजारको परिसूचक नेप्से बढेको छ । आइतबार ७३ अंकले बढेको नेप्से सोमबार भने १९.४३ अंकले बढेको हो । सो अंकको वृद्धिसँगै परिसूचक २७८४ अंकमा पुगेको छ । कारोबार रकम पनि उत्साहजनक देखिएको छ ।

दिनभर ७ अर्ब १२ करोड रुपैयाँको धितोपत्र कारोबार भयो । यसअघि आइतबार ७ अर्ब १० करोडको कारोबार भएको थियो । कुल ७० कम्पनीको सेयर मूल्य घट्यो भने १११ को बढ्यो । ९ कम्पनीको मूल्य स्थिर रह्यो ।

उपसमूहगत रुपमा हेर्दा यस दिन बैंकिङ १५, होटल तथा पर्यटन ३७ र उत्पादन ४७ अंकले घटे । विकास बैंक ३७, फाइनान्स ७८, जलविद्युत ४०, जीवन बीमा २१८, माइक्रोफाइनान्स १२, निर्जीवन बीमा १९०, अन्य ११३ र ब्यापार उपसमूह ५७ अंकले बढेका छन् । मध्यभोटेकोसी, युनियन हाइड्रोपावर र कर्पोरेट डेभलपमेन्ट बैंकको मूल्य १० प्रतिशतले बढेको छ ।

प्रकाशित : पुस २६, २०७८ १५:०९
पूरा पढ्नुहोस्
प्रतिक्रिया
पठाउनुहोस्
×