कृषि सामग्री कम्पनीका प्रबन्ध सञ्चालक, कर्मचारी र ठेकेदारविरुद्ध विशेष अदालतमा १ अर्ब ५३ लाखको मुद्दा- समाचार - कान्तिपुर समाचार
कान्तिपुर वेबसाईट
AdvertisementAdvertisement
मल खरिदमा भ्रष्टाचार

कृषि सामग्री कम्पनीका प्रबन्ध सञ्चालक, कर्मचारी र ठेकेदारविरुद्ध विशेष अदालतमा १ अर्ब ५३ लाखको मुद्दा

कान्तिपुर संवाददाता

काठमाडौँ — कृषि तथा पशुपंछी मन्त्रालयअन्तर्गत कृषि सामग्री कम्पनी लिमिटेडबाट भएको डीएपी मल खरिदमा १ अर्ब रुपैयाँभन्दा बढी भ्रष्टाचार भएको कसुरमा कृषि सामग्री कम्पनीका प्रबन्ध सञ्चालकसहित कर्मचारी र ठेकेदारविरुद्ध अदालतमा मुद्दा दायर भएको छ ।

अख्तियार दुरुपयोग अनुसन्धान आयोगले आइतबार प्रबन्ध सञ्चालक नेत्रबहादुर भण्डारी, प्रबन्धक विष्णुप्रसाद पोखरेल, सहायक प्रबन्धक दुर्गाप्रसाद पाण्डेसहितलाई प्रतिवादी बनाएर अख्तियारले १ अर्ब ५३ लाख २२ हजार ४ सय ६६ रुपैयाँ ७२ पैसा बिगो र कैद सजाय माग दाबीसहित विशेष अदालतमा मुद्दा दायर गरेको हो ।

मल खरिदमा तोकिएको स्पेसिफिकेसनभन्दा कम गुणस्तर रहेको, गुणस्तरहीन मललाई गुणस्तरीय भनी प्रमाणित गरेको लगायत आरोप लगाइएको छ ।

प्रकाशित : पुस १८, २०७८ १७:१३
प्रतिक्रिया
पठाउनुहोस्

माओवादीद्वारा निर्वाचन, अनुशासन र लेखा आयोगको नेतृत्व चयन

कान्तिपुर संवाददाता

काठमाडौँ — नेकपा (माओवादी केन्द्र) को निर्वाचन, अनुशासन र लेखा आयोगमा नेतृत्व चयन गरिएको छ ।  आठौं महाधिवेशनअन्तर्गत प्रज्ञा भवनमा जारी बन्दसत्रबाट केन्द्रीय निर्वाचन आयोग अध्यक्षमा विष्णुपुकार श्रेष्ठ, अनुशासन आयोगमा टंक राई र लेखा परीक्षण आयोगमा पेशल खतिवडा निर्वाचित भएका हुन् । 

अध्यक्ष मण्डलले हलमा राखेको आयोग अध्यक्ष र सदस्यहरुको प्रस्ताव सर्वसम्मत रूपमा पारित भएको महाधिवेशन प्रतिनिधि रमेश मल्लले जानकारी दिए ।

३ वटै आयोग २५ सदस्यीय छ । आयोगका सदस्यहरुलाई केन्द्रीय कमिटी बैठकमा उपस्थित हुन पाउने व्यवस्था छ ।

त्यस्तै पार्टी केन्द्रीय कार्यालयका मुख्य सचिव श्रीराम ढकालले पेस गरेको आठौं राष्ट्रिय महाधिवेशनको आय, व्ययको आर्थिक प्रतिवेदन पनि बन्द सत्रबाट एकमतले पारित छ ।

प्रकाशित : पुस १८, २०७८ १७:११
पूरा पढ्नुहोस्
प्रतिक्रिया
पठाउनुहोस्
x
×