श्रीलंकाले अर्को वर्ष बिमस्टेकको शिखर सम्मेलन गर्ने- समाचार - कान्तिपुर समाचार
कान्तिपुर वेबसाईट
AdvertisementAdvertisement

श्रीलंकाले अर्को वर्ष बिमस्टेकको शिखर सम्मेलन गर्ने

कान्तिपुर संवाददाता

काठमाडौँ — श्रीलंकाले सन् २०२१ मा बिमस्टेकको पाँचौं शिखर सम्मेलन गर्ने तयारी गरेको छ ।

सोहि तयारी अनुसार अर्को वर्षको सुरुआतमा बिमस्टेक मुलुकका परराष्ट्र मन्त्री स्तरीय बैठक हुने भएको छ । नेपालले सन् २०१८ मा काठमाडौंमा विमस्टेकको चौथो शिखर सम्मेलन गरेको थियो ।

श्रीलंकाले आयोजना गरेको २१ औं बिमस्टेक सिनियर अफिसियल्स मिटिङमा नेपालकोतर्फबाट परराष्ट्र मन्त्रालयका सचिव शंकरदास बैरागीको नेतृत्वमा तीन सदस्यीय प्रतिनिधि मण्डलले बुधबार सहभागिता जनाएको थियो । भर्चुअल बैठकमा श्रीलंकाले अर्को वर्ष बिमस्टेकको शिखर सम्मेलन गर्ने र त्यसका लागि सोहि वर्षको सुरुआतमा परराष्ट्र मन्त्री स्तरीय बठक गर्ने सहमति भएको बैठकमा सहभागी एक पदाधिकारीले जानकारी दिए ।

यसअघि सोमबार सहसचिव स्तरीय चौथो बिमस्टेक पर्मानेन्ट वर्किङ कमिटीको बैठक भर्चुअल माध्यममार्फत सम्पन्न भएको थियो । कमिटीको बैठकमा प्रशासनिक र आर्थिक विषयका बारेमा कुरा भएको थियो ।

विमस्टेकको बंगलादेश, भुटान, भारत, नेपाल, म्यानमार, थाइल्यान्ड र श्रीलंका छन् ।

प्रकाशित : भाद्र १७, २०७७ १९:३२
प्रतिक्रिया
पठाउनुहोस्

भैरहवाको भिम अस्पतालमा एक संक्रमितको मृत्यु

सन्जु पौडेल

तिलोत्तमा — रुपन्देहीको भिम अस्पतालमा बुधबार एक संक्रमितको मृत्यु भएको छ । अस्पतालमा दिउँसो ३ :३५ बजे हृदयघात भई ५७ वर्षीय पुरुषको मृत्यु भएको सूचना अधिकारी डा. नारायण पोखरेलले बताए । ती पुरुषमा भदौ १३ गते कोरोना भाइरस संक्रमण पुष्टि भएको थियो ।

उनका अनुसार गत भदौ १५ गते भीम अस्पताल भर्ना भएका बुटवल उपमहानगरपालिका ६ का ५७ वर्षीय संक्रमितको मृत्यु भएको हो । उनी बुटवलको लुम्बिनी प्रादेशिक अस्पतालबाट रिफर भई भिममा भर्ना गरिएका थिए ।

'बिरामी चिच्याएर भुइँमा लडेको अवस्थामा पुगियो,' उनले भने, 'व्यवस्थापन गर्दागर्दै मृत्यु भयो ।' मृतकको ०६६ सालमा मुटुको शल्यक्रिया भएको र औषधि सेवन गर्ने गरेको उनले जनाए ।

उक्त अस्पतालमा यसअघि २ संक्रमितको मृत्यु भइसकेको छ । भिम अस्पतालमा १९ संक्रमित सामान्य कक्ष र ३ संक्रमित आईसीयूमा उपचाररत छन् ।

प्रकाशित : भाद्र १७, २०७७ १९:१८
पूरा पढ्नुहोस्
प्रतिक्रिया
पठाउनुहोस्
×